ANG commissioner’s office sa Philippine Basketball Association (PBA) mipamulta ni San Miguel forward Arwind Santos og P200,000 tungod sa iyang rasismo o yaga-yaga ngadto sa import sa TNT nga si Terrence Jones niadtong Miyerkules.
“Walang lugar ang racial discrimination sa basketball at sports in general at sa PBA in particular. Hindi pinahihintulutan ng liga yung mga ganung aksyon, at kung maulit pa, mas mabigat na sanction ang ipapataw natin,” matod niPBA commissioner Willie Marcial nga napatik sa Spin.ph.
Ang hepe sa lega daling mihimo mipatawag ni Santos kagahapon aron kuhaan kini og habig kalabot sa gihimo niini nga daw og sa nagpa ungoy-ungoy diha sa ilang bench sa second quarter nga daw gitumong ngadto ni Jones nga naka-foul niadtong higayona.
Sa maong duwa midaog ang Beermen batok sa Katropa, 99-94, aron sakmito ang 3-2 nga bintaha sa series.
Gawas sa multa, matod ni Marcial nga pahamtangan usab si Santos og 100 ka oras nga community service ug ipaubos sa seminar ug counseling kabahin sa racial discrimination.
Nangayo usb og pasaylo si Marcial ngadto ni Jones ug sa tanang mgas nasakita sa gihimo ni Santos.
“Bilang Commissioner, humihingi ako ng pasensya at pang-unawa kay Mr. Terrence Jones at sa kanyang pamilya. Ang PBA at tahanan para sa lahat, bukas para sa lahat at walang kinikilalang kulay, lahi o paniniwala,” dugang niini.
Human nasuta ang gihimo ni Santos, gipistahan ug gibaha siya sa mga negatibong komento sa mga netizens hinungdan nga naaghat si Marcial sa paghimo gilayon og dinaliang aksiyon. (JBM, Spin.ph)