PASAKAAN og kaso si world heavyweight champion Andy Ruiz kon dili kini moaway batok ni Anthony Joshua sa ilang rematch nga gikatakdang adto ipahigayon sa Saudi Arabia karong Disyembre 7.
Kini maoy gibutyag ni Eddie Hearns kinsa maoy promoter sa maong away human nga pinaagi sa Instagram, si Ruiz hugot nga mipadayag nga kinahanglan ang away adto gyud sa ipahigayon sa Amerika.
Sa usa ka interview, si Ruiz namulong nga dili siya moaway sa Middle East.
Apan giklaro ni Hearns nga ang tanan nakaplastada na ug gani aduna nay mga kontrata nga gipirmahan ang matag habig.
Kon magmagahi si Ruiz hayan matangtangan siya sa iyang mga bakus.
“The contract for the rematch was signed prior to the first fight,” matod ni Hearn sa Sky Sports. “They are both signed at the same time. There is no other contract. “We have to let (Andy and his team) know the time, date and venue which we have done.
That’s it. They are contractually bound for the rematch. “There are no conversations between the two teams about not doing the fight. I don’t perceive a problem.”
Gipasabot ni Hearns nga duha ra ka butang ang pili-an ni Ruiz.
“His choice is to have a legal battle that could put him out of boxing for years, or to defend his belts for a lot of money against a guy he has already beaten. “There isn’t any doubt he will take the fight,” matod ni Hearns. (JBM)