NANGITA ka ba og virtual playground sa dakbayan sa Sugbo o lahi nga adventure ang imong gustong masuwayan nga dili na kinahanglang mobiyahe og layo? Diay haom alang ninyo.
Suwayi ang bag-ong gi-ablihan nga Virtual World Cebu ug Colour Museum sa SM Seaside City Cebu ug siguradong dili ka magmahay ilabi na kon mahiligon ka sa virtual games.
Karong adlawa, Biyernes, Agusto 16, buksan na sa SM Seaside City Cebu ngadto sa publiko ang duha nila ka mga bag-ong attraction.
Colour Museum
Ang Instagrammable nga Colour Museum nga dili lang sa mga bata apan lakip na usab sa gusto og picture-perfect nga background, mamahimong mobisita ang maong atraksyon.
Gikan sa nagkadaiyang illusion ngadto sa picturesque nga background sa nagkadaiyang color, malingaw ka og libot niini.
Anaa sa P250 ang bayad sa regular, P170 alang sa bata ug libre ang bata nga anaa sa 90 centimeters (3feet) ug paubos.
Walay time limit ang pagbisita sa Colour Museum diin daghang millinenials ang gustong magpahulagway o mokuha og pictures aron ma-ilisan og pinalahi nga profile picture diha sa ilang tagsa-tagsa ka social media accounts.
Virtual Park
Tupad sa Colour Museum ang labing una nga virtual park sa Cebu, ang Virtual World Cebu sa kadtong gusto og adventure gamit ang moderno nga teknolohiya.
Kon mahilig ka og virtual reality game, angay kini nimo tungod kay daghan ka og kapili-an dili duha o tulo ka virtual reality machines ang gitanyag apan moabot sa siyam ka virtual reality machines ang mamahimong masuwayan sa publiko.
Usa na kining Horse VR nga angay masuwayan sa publiko, suwayi sab ang Resident Evil nga game dili nimo kapugngan ang imong kaugalingon nga makasinggit sa tumang kahinam samtang nag-enjoy sa duwa.
Alang sa matag usa ka game anaa sa P150 ang presyo niini, kon tulo ka games anaa sa P350 ang bayad, P600 sa unom ka games, ug P1,000 sa gusto og unlimited games matag tawo aron nga matagbaw.
Gawas sa VR games diin solo kang makaduwa adunay VR machines nga alang sa barkada susama sa 6-seater VR machine ug ang Zombie cage diin alang kini sa magbarkada nga upat ang miyembro.
Ang maong duha ka mga attraction nahimutang sa 2nd floor sa SM Seaside Seaview Wing, atbang sa Kuzina Guadalupe ug Sizzling City syaro og masaag gihapon mo og pinangita.
Abli kini sa mall hours gikan sa 10:00 sa buntag hangtod na 9:00 sa gabii sa weekdays ug hangtod 10:00 sa gabii sa adlawng Biyernes ug Sabado. /
Rates
Colour Museum:
P250 - Adult
P170 - Children
FREE - 3 feet and below
Virtual World Cebu:
P150 - game/person
P350 - 3 games/person
P600 - 6 games/person
P1,000 - unlimited/person (good for 2 hours)
Makalingaw nga VR machines o games
Horse riding machine
Car racing machine
6-seater machine
Zombie cage
Vive station
Holowall
Nintendo switch (Super Mario Tennis/Just Dance)
Laser Maze
Lipstick Challange machine