ANG Sandiganbayan nipahamtang og 90 ka adlaw nga preventive suspension kang Naga City Mayor Valdemar Mendiola Chiong sa Cebu tungod sa giingong irregular nga pagluwat og mayor’s permit sa usa ka energy company.
Ang Sandiganbayan Sixth Division, sa usa ka pito-ka-pahina nga resolution sa miaging buwan, last month, nimando pagsuspenso kang Chiong aron mapugngan siya sa paggamit sa iyang posisyon sa pag-impluwensya sa imbestigasyon base sa sumbong graft nga gipasaka niadtong 2014.
Si Chiong gikiha og paglapas sa Republic Act(RA) 3019 kun Anti-Graft and Corrupt Practices Act sa iyang pag-isyu niadtong 2014 og mayor’s permit ngadto sa Petronas Energy Philippines Inc. bisan kon ang kompaniya napakyas pagkuha og Fire Safety Inspection Certification gikan sa local fire department nga gikinahangan una pa makuha ang business permit.
Siya giakusahan nga nihatag og “unwarranted benefits.”
Si Chiong nisulti sa anti-graft court sa miaging buwan nga ang pagsuspenso kaniya wa na kinahanglana kay wa nay kahigayunan nga siya makahulga sa posibleng mga saksi o mababagan ang pagpadayon sa kaso batok kaniya.
Siya niingon nga ang tanang mga documentary nga ebidensya nga iyang ipresentar alang sa iyang depensa gipataban na sa iyang judicial affidavit nga giduso ngadto sa Sandiganbayan niadtong Mayo.
Siya nidugang nga kay siya napili lang bag-o isip city mayor, ang pagsuspenso kaniya magbabag kaniya sa paghimo sa mga gimbuhaton ug “nullify the will of the people” nga nipili kaniya.
Apan napalgan sa Sandiganbayan Sixth Division ang katarungan ni Chiong nga way merit ug nga ang preventive suspension gimando ubos sa RA 3019.
Human niya masayri ang iyang pagkasuspenso, si Chiong niingon nga iyang gitahod ang hukom sa Sandiganbayan.
Nisulti usab siya sa Sunstar Cebu nga wa siyay plano sa pagduso og motion for reconsideration.
Maghuwat siya sa suspension nga ipatuman sa Department of the Interior and Local Government.
Apan siya niinsister nga way sayop ang iyang pag-isyu og business permit sa Petronas, nga dunay planta sa siyudad.
Naghimo lang siya sa iyang gimbuhaton subay sa iyang katungdanan base sa balaud, matod niya.
Siya niingon nga ang reklamo batok kaniya resulta sa usa ka away sa negusyo tali sa Petronas ug karibal nga kompaniya sa liquefied petroleum gas (LPG) nga nagbase usab sa siyudad.
Matod ni Chiong nga siya nakugang, kay bisan kon sila nakakuha og affidavit of desistance gikan sa karibal nga LPG company nga di na kini mopadayon pa sa reklamo human ang Petronas nakatuman sa tanang mga rekisitos, ang kaso gipasaka gihapon batok kaniya.
Sayo nga report nikutlo nga Chiong nga siya niluwat og conditional mayor’s permit sa Petronas samtang ang kompaniya naghuwat sa BFP certification, nga nakuha ra sab niini.
Sa iyang pagkasuspenso, ang iyang anak nga si incumbent Vice Mayor Kristine Vanessa Chiong maoy magsilbeng acting mayor ug ang manghod ni Chiong, ang first councilor, maoy acting vice mayor. (SunStar)