SECTIONS
Tuesday, September 17, 2019
SUPERBALITA DAVAO

Mamulabog sa texts silotan

DAVAO. Gipaablihan sa personahe sa Task Force Davao ang bag sa lalaki una pa kini nisulod sa Sangguniang Panlungsod kagahapon sa buntag. Mas gihugtan pa ang seguridad sa dakbayan atol sa pagsaulog sa Kadayawan karong bulana. (Macky Lim)

TUNGOD sa pagkatap sa mga hulgang mensahe nga di tinuod, mga awtoridad subling nagpasidaan batok niadtong nagpakatap og sayop nga mga impormasyon sa giingong nag-ung-ong nga pag-atake nga ila kining masubay ug ipailawom sa pagsukit-sukit. Mga kaso ipasaka usab kon mapamatud-an nga siya sad-an.

Giwagtang ni Police Regional Office (PRO)-Northern Mindanao spokesperson Police Major Jason Baria niadtong Miyerkules, Agosto 14, ang kahadlok sa publiko sa hulga sa seguridad tungod sa istriktong pamaagi nga gihimo sa kapulisan ug militar, kon diin iyang giklaro nga ang maong pamaagi gihimo aron protektahan ang katawhan human ang bag-ong pag-atake sa terorista sa ubang bahin sa Mindanao.

Iyang dugang gitin-aw nga way direktang hulga sa seguridad sa rehiyon.

“Baka mag-circulate na naman ‘yong misinformation to the public. Davao City is always so strict with this policy in implementing ‘yong sa backpack, jacket at the same time ‘yong sa mga canister. Baka kasi may umikot na naman na information that will mislead the public na strict ang Davao City because merong nakapasok or may gagawa ng threat dito sa Davao City,” pahimangno ni Baria.

Gisulti sa opisyal, “We are doing this safety and security measures because of the incident that did not happen in Davao region but happened outside Davao region.”

Tungod sa kasaulogan sa ika-34th Kadayawan sa Dabaw karong bulana, mga awtoridad karon naa sa “full alert status” tungod sa pagdugok sa mga bisita, lokal man o langyaw, nga mosalmot sa tinuig nga kapistahan dinhi.

Nagpakatap sila og mga impormasyon sa “puwede ug di” kon mosalmot sa nakahan-ay nga mga kalihukan sama sa pagdala og backpack nga posibleng gamiton aron tagoan ang bisan unsang eksplosibo sama sa nahitabo didto sa Jolo, Sulu kon diin duha ka mga suicide bomber nabungkag sa dihang niatake sa kampo sa sundalo.

Nagpahimangno si Baria ngadto sa publiko nga ihunong ang pagpakatap og wa pa masuta nga mga taho sa pag-atake sa mga terorista sa nagkadaiyang bahin sa Davao region ug inay mag-post niini sa ilang social media accounts o ipaambit ngadto sa ilang mga higala, itaho hinuon kini ngadto sa pulis aron nga masuta pinaagi sa cybercrime team.

Ang maong peke nga impormasyon mohatag lang og kalisang ug kahadlok ngadto sa publiko.

“Go directly sa ating security sectors sa AFP-PNP or any law enforcement, i-directly forward niyo doon so that ivava-lidate natin yan kasi kung ilalagay niyo sa newsfeeds kakalat lang yan,” dugang pa niya.

Gipasalig sa opisyal nga kon ugaling dunay mga hulga, ila dayon kining ipahibawo sa publiko aron nga makahatag og pahimangno.

“Once mabigay mo yan [false report] at ilagay sa newsfeed, ikaw ang mate-trace ng security ng technical so ikaw ma-subject for questioning,” dugang pagtin-aw sa opisyal, ug mag-atubang sila og kaso.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph