USA ka 32-anyos nga durugista ang nakuhaan og P1.3 million nga balor sa ilegal nga drugas ang nadakpan sa buy bust operation sa Barangay Buhisan, siyudad sa Sugbo kaganihang Biyernes sa kaadlawn, Agosto 16, 2019.
Ang nasikop giila nga si Lornado Virgil Cabahug Ongos, taga Sitio Lower Puti, Barangay Buhisan nga nalakip sa high value target sa Labangon Police Station.
Matod pa sa hepe sa Labangon Police Station nga si Police Major Henrix Bancoleta nga gipahigayon ang maong buy bust pasado alas 4 sa kadlawn didto sa Buhisan Road, sa maong barangay.
Nakuha gikan ni Ongos ang duha ka dagkong putos sa gituohang shabu nga motimbang sa 200 gramos nga adunay Dangerous Drugs Board (DDB) value nga P1,360,000.
Nakuha usab ang P500 nga maoy gigamit sa pag palit sa usa ka pulis nga nag patuo nga customer nga gipa ibabaw sa budol money nga mo balor P320,000. (AYB)