ANG commissioner’s office sa Philippine Basketball Association (PBA) mipamulta ni San Miguel forward Arwind Santos og P200,000 tungod sa iyang rasismo o yaga-yaga ngadto sa import sa TNT nga si Terrence Jones niadtong Miyerkules, Agosto 14.
“Walang lugar ang racial discrimination sa basketball at sports in general at sa PBA in particular. Hindi pinahihintulutan ng liga yung mga ganung aksyon, at kung maulit pa, mas mabigat na sanction ang ipapataw natin,” ni PBA commissioner Willie Marcial nga napatik sa Spin.ph.
Ang hepe sa liga daling mihimo mipatawag ni Santos pag Biyernes aron kuhaan kini og habig kalabot sa gihimo niini nga daw og sa nagpa ungoy-ungoy diha sa ilang bench sa second quarter nga daw gitumong ngadto ni Jones nga naka-foul niadtong higayona.
Sa maong duwa midaog ang Beermen batok sa Katropa, 99-94, aron sakmiton ang 3-2 nga bintaha sa series.
Gawas sa multa, matod ni Marcial nga pahamtangan usab si Santos og 100 ka oras nga community service ug ipaubos sa seminar ug counseling kabahin sa racial discrimination.