Fredrick F. Gelbolingo
121 Prenza, Argao, Cebu
Tambag, dili sumbag
Ihatag sa inyong mga anak
Aron ilang maangkon
Tukmang lamdag ug mahimong
Maayong tawo ugma damlag.
Hugti ang pag-agak
Aron sa kadautan dili
Sila mahitumpawak.
Batuni ang pagmaymay
Samtang sila pa gagmay
Aron tamdan nila kini kanunay
Dili mapukan sa mga pagsuway.
Magtubo sila sa matarong pagtulon-an,
Dasok ug puno sa pagtahod
Kaninyong ginikanan.