SECTIONS
Saturday, September 21, 2019
SUPERBALITA CEBU

Nadela: Kamanduan sa Marina seryusohon

Asoy ni

ANG kinabuhi sa mga tigbalita way kalainan sa atong mga igsoon nga biyahedor. May biyahe nga haruhay nga layo sa peligro. Duna say daghang biyahe nga daw naglatay sa lanot ang hinuwamang kinabuhi tungod sa ka peligroso sa coverage.

Ang di nako makalimtan nga coverage mao kadtong biyahe sakay sa rescue vessel sa Philippine Navy padung sa kadagatan sa isla sa Bantayan, Cebu. Dunay barko nga nalunod mao nga naapil ko sa grupo sa mga tigbalita nga nikuyog sa search and rescue operation alang sa gatosan ka mga pasahero.

Kinsay magtuo nga sa kanindot sa panahon sa among paggikan sa Pier 3, kusokusohon sa dagkong balod ang among gisakyan paggawas pa lang namo sa bukana di layo sa isla sa Mactan og atbang sa lungsod sa Liloan.

Sa among paglawig kuyog ang mga diver sa Navy, wa na gyud mi lung-i sa dagkong balod nga makapa kitbi sa atay tungod sa kadagko.

Desinuybe mi ka tigbalita ang nalista sa manipesto apil ang duha ka interns. BRP Nicholas Mahusay ang ngalan sa barko nga giluwanan og subra sa napulo ka crew apil na ang mga diver. Labihan ka kulba ang maong biyahe kay di na mi mahimong makalakaw lakaw sud sa barko. Magkamang kong gusto ming mobalhin og puwesto.

Nakita nako sa pamayhon sa akong mga kauban ang dakong kabalaka uban sa nag-ungot nga pabgutana; “ kaabot pa kaha ta ani og pasko?” sanglit duha ka adlaw nalang ang paaboton Disyembre 25 na. Ang kulba napupas lapas na ang tungang gabii samtang nag-utawlutaw mi sa kadagatan atbang sa lungsod sa Bantayan. Abi nako og nahuman na ang kalbaryo nga nalapagamay sa among kalibutan sa nilabayng subra sa napulo.ka oras.

Human namo ma-interview ang naluwas nga mga pasahero nga gipasakay usa ka pasaheroan nga barko, kinahanglan na sab nga mosakay mi og pumpboat gikan sa pantalan sa Santa Fe padung sa puwerto sa Hagnaya. Lain na sab nga kakulba ang among gibati kay ang balod daw motam-ok sa pasaheroang pumpboat nga among gipakyaw nga naabtan og gabii ang biyahe. Pwerteng basaa namo apan ang determinasyon nga makapauli sa among tagsa tagsa ka newsroom wa gyud mapawong inubanan sa hugot nga pag-ampo.” Mag-usab pay layog.” mao ni nadunggan nako gilan sa akong kauban pagkanaug sa pantalan sa Hagnaya.

Basi sa maong kasinatian nakaingon ko unsa nalang kaha no kong di ko reporter unya ang akong panginabuhi tripulante og barko o ba kaha Navy o Coast Guard? Mao nga sa pagluwat sa Maritime Industry Authority (Marina) 7.

Niadtong Agusto 14, wa nay pasaheroan nga pumpboat nga makabiyahe og gabii, nakaingon ko nga kini maoy labing tukma nga lakang paglikay sa disgrasya. Basi sa among kasinatian, asa kaha mi pangitaa kung nalunod pa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph