GIPAABOT ang mas daghang uwan nga masinati karong umaabot nga mga buwan human gideklarar na sa Philippine Atmospheric, Geophysical and Astronomical Services Administration (Pagasa) nga natapos na ang weak El Niño.
Human giisa ang weak El Niño niadtong uwahing parte sa 2018, niluwat na og final El Niño advisory ang Pagasa niadtong Agusto 9.
“Nag final El Nino advisory last August 9, 2019. El Nino has ended. Expect more rains for the remaining months of the rainy season. Pero wait sa ta detailed rainfall forecast end of this month,” matod ni Engr. Al Quiblat, officer-in-charge (OIC) sa Pagasa Visayas.
Di pa usab makasulti si Quiblat kon above normal ang uwan nga masinati tungod kay kasamtangan pang gitun-an sa ilang team sa kaulohan diin i-release kini sa di pa mahuman ang Agusto.
“The weak El Niño which started since the last quarter of 2018 has ended. The warmer than average sea surface temperatures (SSTs) in the tropical Pacific Ocean has weakened and transitioned into neutral levels in July. It is expected that ENSO-neutral conditions will likely persist through the remainder of the year,” tipik sa advisory.
Base sa assessment sa Pagasa niadtong Hulyo, nakasinati ang tibuok Visayas og above normal nga pag-uwan.
Alang sa Agusto, nakita usab ang duha ngadto sa upat ka mga bagyo nga mosulod. (HBL)