BALIK-telebisyon na usab ang beteranang aktres nga si Sylvia Sanchez sa pampamilya ug drama nga “Pamilya ko” diin iyang makauban silang Joey Marquez, Arci Muñoz ug JM de Guzman.
Dili ra ako’y naghulat niini ug naghinam-hinam kundi ang Kapamilya fans. Kinsa ma’y di mingawon sa akting ni Sylvia labi na sa seryeng “The Greatest Love”.
Siguradong mobaha na usab ang atong mga luha sa “Pamlya Ko.” Makauban sab ni Sylvia dinhi silang Irma Adlawan, Perla Bautista, Rosanna Roces, Alyssa Mulach, Maris Racal, Kiko Estrada, Jairus Aquino, ug ug uban pa. Ay’g saba!
Hangtud karon padayon pa gihapong gihugopan ang pelikulang “Hello Love Goodbye” nilang Kathryn Bernardo ug Alden Richards.
Dako na kaayog kita ang maong pelikula dili lang dinhi sa Pilipinas kundi lakip na sa ubang nasud.
Ug dili mahimong dili nato makomparar ang pelikula ni Nadine Lustre ug Sam Concepcion nga “Indak” sa “Hello Love Goodbye”.
Daghan ang nagool sa mga balitang flop o wala mokita ang pelikula ni Nadine, gani may mga miingon pa nga maihap ra gyud ang nanan-aw.
Gipang-pull out na gani kini sa ubang sinehan, siguro mas gusto lang gyud sa mga tawo ang salida nga drama kay sa musical, ay’g saba!
Hangtod karon nagpakahilom si Gerald Anderson sa isyu nila ni Bea Alonzo, kinsa duna say bag-ong teleserye sa Kapamilya.
Samtang bakasyon grande ang drama ni Julia. Kon kanus-a mahuman ang ilang kontrobersiya? Mao nay giingon nga panahon na lay agdon, ay’g saba!