SECTIONS
Thursday, September 19, 2019
SUPERBALITA CEBU

Mongaya: Lana ang No. 1 nga import

Panahom

MOABOT og P5 bilyones ang buhis nga nabayad sa duha ka mga kompanya sa lana ngadto sa Bureau of Customs dinhi sa Central Visayas.

Nasayran nato kini dihang gihatagan og award ang top ten importers sa Port of Cebu ug ang top four importers sa Port of Dumaguete atol sa kasaulogan sa ika-133 nga anibersaryo sa Bureau of Customs Cebu sa miaging gabii didto sa sa Skyhall diha sa SM Seaside.

First time nakong nakit-an nga personal ug nalamano gyud si acting district collector Charlito Mendoza. Sakto si acting district collector Mendoza nga angay palambuon ang kapasidad sa mga Customs personnel.

Ang special nga dinapit sa maong kalihokan mao si Customs deputy commissioner for internal administration retired General Donato San Juan.

Numero uno sa Port of Cebu ang Seaoil Philippines Inc. kay nibayad kini og P1.9 bilyones nga buhis samtang numero uno sab sa Dumaguete ang Filoil Logistics Corp., naka-contribute og P3.1 bilyones nga duties and taxes.

Dayon ang ikaduha ug ikatulo nga importer sa Dumaguete mao ang Wilmar Edible Oils Phils. Inc ug ang ikatulo mao ang Pryce Gases Inc.

Nagtuo gyud ko nga bunga sa information technology ang dagko natong imports apan lana diay gihapon. Ato sab nga makita sa ubang mga top importers nga mga produkto kabahin sa kuryente ug semento ang dinagko natong mga imports.

Oi, ang akong hisgala nga si OIC Nelly Wilwayco na man diay ang hepe sa sub-port of Mactan.

EXPLORATION

Kining kabahin sa kuryente ug semento ma-esplikar ra man tungod sa atong nagkadako nga demand tungod sa padayong kalambuan sa rehiyon labi na sa Sugbo.

Apan sa hisgutanan sa lana, mas maayo gyud nga pakusgan pa unta nato ang atong oil ug gas exploration.

Makadasig nga taud-taud na nagsugod ang usa ka planta sa lungsod sa Alegria. Naana say nga exploration projects sa amihanang bahin sa Sugbo.

SALAMAT

Magpasalamat ko ni Mayor Samsam Gullas sa Syudad sa Talisay ug sa among barangay kapitan tungod sa pagkolekta sa basura diri sa Carmen Village sa Poblacion.

Abi nako man gud og nalimtan na ang suliran sa basura kay moabot na man og halos tulo ka semana nga nagbundo ang mga basura diha sa among tugkaran kay wala man gyuy trak sa basura nga nigimaw.

Unta, kolektahon kining basura sa maong village matag Martes ug Sabado. Apan pipila na ka semana nga wala hangtod sa miaging Sabado nga finally dunay nagpakita sa balay.

Manghinaot ko nga wala nay palta ang mahitabo puhon. (@anol_cebu sa Twitter)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph