NAGMALIPAYON ang mga kababayan ni Manny Pacquiao sa Barangay Spring sa Label, Sarangani Province dihang surpresang mibisita ang Pambansang Kamao sa Pilipinas sa maong dapit niadtong Sabado.
Sa interbyu sa ABS-CBN, nagkanayon ang staff ni Pacquiao nga si David Sisson nga nanghatag og barato ang 8-division world champion sa iyang mga kababayan.
Gipasabot ni Sisson nga kalit lang nakahunahuna si Pacquiao nga mobisita sa Label.
“He just thought of going there. He did not inform the media. He just wanted to visit the Pacman village and gave out P1,000 for the adults and P500 for the kids,” pasabot ni Sisson.
Nagkanayon si Sisson nga dili moubos sa 600 ka mga tawo ang nahatagan og barato ni Pacquiao gikan sa iyang kadaugan batok kang American Keith Thurman dili pa lang dugay. (ESL)