SECTIONS
Thursday, September 19, 2019
SUPERBALITA CEBU

LTFRB 7 motabang sa colorum operators sa siyudad sa Talisay

NIPASALIG ang Land Transportation Franchising and Regulatory Board (LTFRB-7) sa mga colorum operator sa syudad sa Talisay nga tabangan nga mahimong legal ang pagpamasahero.

Kini pinaagi sa paghatag kanila og prangkisa alang diha sa pagpamasahero sa rota sa South coastal road, gikan sa Talisay padung sa dakbayan sa Sugbo.

Gitambagan ang operators nga gikinahanglan nila nga mag-umol og usa ka kooperatiba o magpamiyembro og kooperatiba, aron makakuha sila og prangkisa.

Apan gikinahangkan nga mga bag-o nga van ang gamiton, kini ubos na usab sa modernization program sa Department of Transportation.

Hinungdan nga diha sa kooperatiba, mamahimo sila nga makautang aron pagpalit ig mga bag-ong van, diin adunay ma-irekomendar ang LTFRB, nga pagabayran sa kooperatiba sulid sa pito ka tuig sa minimal lang nga tubo.

Apan gipasabot usab sa pangulo sa City of Talisay Traffic Development Authority (CT-TODA), Jonathan Tumulak nga kon adunay brandnew nga van na ang usa sa nga operator, ug nakatukod na sila og kooperatiba, mamahimo na kini makuhaan og prangkisa.

“During sa meeting giawhag ang operators sa colorum nga ila gyud paspasan ang plano kay wala man gud rota nga existing nga Talisay to Cebu City via SRP, so dako nga kahigayonan nga maaprubahan, kay ubos pa man siya sa gitawag og developmental ground, rota nga way mga depasaheruan nga nagdagan. Ug rota nga gikinahanglan kaayo sya nga padaganan tungod sa kadaghang pasahero gikan sa destinasyon to origin,” pagpasabot ni Tumulak sa Superbalita Cebu.

Kini ang matud ni Tumulak, ang gitanyag ni LTFRB-7director, Eduardo Montealto atol sa iyang pagpakighimamat ug dyalogo sa dul-an 60 ka colorum operators sa Talisay niadtong Byernes sa hapon, Agusto 16.

Atol sa tigum, nitambong usab si Mayor Gerald Anthony Gullas, kinsa mao usab ang nihangyo kang Montealto alang sa maong dyalogo.

Ang Talisay City government ang nitanyag usab isip tabang, nga maoy mokontak, ug moimbitar sa taga Cooperative Development Authority (CDA) alang sa mga operator nga gustong motukod og kooperatiba.

Aron mapaubos sila og seminar ug pagpasabot sa kon unsa ug unsaon nga maglampuson ang kooperatiba.

Andam usab ang LTFRB nga mohatag og dugang pasabot ngadto sa mga operator kalabot sa kooperatiba ug unsay exisiting na nga Cooperative.

Hinuon matud ni Tumulak nga positibo ug andam nga mosunod sa tanyag ang mga operator.

Apan nipahimangno usab ang LTFRB-7 director nga kon aduna nay kooperatiba ang mga operator og andam na mokuha og prangkisa, nga dili gyud moagi og mga fixer.

Matud ni Montealto nga sa pagkuha og prangkisa, ang pagabayran lang ngadto sa LTFRB, mao lang ang 560 pesos nga administrative fee ug wala nay lain pa.

Usa ka prangkisa alang sa usa ka sakyanan.

Samtang mentras wala pa natukod ang kopperatiba ug nakakuha og prangkisa ang mga nga operator, matud ni Montealto nga dili gyud mamahimo nga makapamasahero ang maong nga colorum nga sakyanan.

Matud ni Tumulak nga nisulay paghangyo ang operator ngadto sa director, apan wala gyud nitugot.

Gani nipahimangno si Tumulak nga si kinsa kadtong masakpan nga namasahero gyud ang sitahon ug sakmiton ang sakyanan ug i-turn-over ngadto sa LTFRB-7.

Ug dili na gyud pa pasayloon pa ning higayuna, ug mag-atubang og tukmang kaso gikan sa LTFRB.

Niadtong Huwebes, Agusto 15, adunay duha ka sakyanan bga nasita ug gi-turn-over sa CT-TODA ngadto sa LTFRB, apan gihatagan pa sila og last warning. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph