SECTIONS
Thursday, September 19, 2019
SUPERBALITA CEBU

Nadela: Guadalupe River, Fajardo ug SMB

Asoy ni

GRABE ka kulba ang akong gibati.”

Kini ang mensahe nga gipadangat ni Maritess Fajardo nako pinaagi sa text sa dihang akong gipangumusta human langkata sa San Miguel Beermen ang korona sa bag-ohay palang natapos nga PBA 2019 Commissioner’s Cup batok sa Talk N’ Text Ka Tropa.

Kung duna may maisip nato nga labing diehard nga fans ni PVA SuperstarJune Mar Fajardo, way lain ang iyang Mama Maritess Sukad nga nasud si June Mar sa PBA makadaghan nako maka interview ni Maritess.

Nakabisita na sab ko sa ilang pinuy-ananan nga nahimutang sa Barangay Tajao lungsod sa Pinamungajan. Tua sab magpuyo ang akong manghod nga nahimong suod ni Maritess og maoy tigreport nako kong mapauli si June Mar sa Tajao.

Nidason si Maritess nga grabe ang kulba nga iyang gibati sa naghinapos nga bahin sa dula, hangtod nga tumang kalipay ang nipatigbabaw sa dihang napupus ang oras fiin naglabaw ang SMB 102-90.

Wa pa siya masayod kanus-a mibakasyon si June Mar, pero iyaha na nga gipahibalo nga sama sa naandan usa ka salo salo ang idalit niini alang sa ilang kaparentihan, kahigalaan ug mga silingan sa Tajao.

Nangutana ko ni Maritess king unsay ispesyal nga putahi ang gustong ipaluto ni June Mar. Iyang tubag sinugbang buwad parisan og mais nga kan-on.

***

Nagbaha ang mga volunteers paglimpyo sa Guadalupe River nga gipasiugdahan ni Mayor Edgar Labella. Mao ni ang dakong balita sa niaging adlaw. Toneladang basura ang nahaw-as gikan sa lang-og human magpasingot ang gatosan ka volunteers.

Sa pagsugod palang sa administrasyong Labella atong giitsa ang hagit pagluwas sa kasapaan sa dakbayan nga gihulagway sa mga environmentalists nga patay na. Ang pagsanong sa Mayor sa maong hagit nagpaila lang nga way imposibli kong kaayohan sa kalikopan ang hisgutan.

Karon kay nalimpyo na, kargo de konsensiya sa opisyales sa mga barangay nga giagian sa maong sapa pagmintinar unsay gisugdan sa Mayor. Hugot nga monitoring ang angay nga ipatuman. Kutob sa makalapas sagpaon dayon og multa sigun sa gimbut-an sa balaod.

Ang dakong hagit ingon niini basi sa akong obserbasyon. Among boarding house kaniadto kauban akong manghod di layo sa Guadalupe River.

Akong naobserbahan nga matag bunok sa ulan magbaha ang palibot. Ang mga basura nga nagpasad sa palibot ianod sa nagpungasi nga tubig nga moagi sa kabalayan. Unya asa man padung ang tubig? Adto gihapon padung sa sapa dala ang nagkadaiyang matang sa basura nga naglabi ang mga plastic.

Sa ato pa bisan kong wa nay manglabay og basura sa sapa, kong hugaw gihapon ang palibot sa kabalayan unyag bunok sa ulan adto gihapon padung sa sapa ang mga basura nga madala sa kusog nga agus sa tubig. Mao na ang sakit nga kamatuoran.

Wa pa ni labot sa nadiskubrehan nga septic tank nga ang outlet padung sa sapa. Mga alad sa baboy nga gidesinyo nga ang padulngan sa hugaw mao ang sapa.

Si Kapitan nasayod na niini. Nakaila sab siya kinsay mga hugawan sa iyang barangay. Mao nga angay gyud manubag ang mga kapitan ni Mayor Labella kong di nila mamintinar ang kalimpyo sa mga sapa nga nitadlas sa ilang barangay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph