SECTIONS
Thursday, September 19, 2019
SUPERBALITA CEBU

Editoryal: Kampanya sa kalimpyo

(Editorial Cartoon by Ariel Itumay)

ANG Philippine Atmospheric, Geophysical and Astronomical Services Administration (Pagasa) nideklarar nga natapos na ang weak El Niño phenomenon niadtong Agusto 9, sumala ni Engr. Al Quiblat, ang officer-in-charge (OIC) sa Pagasa Visayas.

Tukma ning ting-uwan ang gihimong pagpanglimpyo sa kasapaan sa singko mil ka mga kawani sa dakbayan sa Sugbo ubos sa pagpanguna sa Cebu City Environment and Natural Resources Office (CCENRO) niadto Sabado, Agusto 17.

Dili mominos 21 mil ka kilong basura ang ilang nakuha gikan sa nag-unang suba sa dakbayan, Guadalupe river. Kon wala pa kini buhata, ang naasoy nga gidaghanon sa mga basura mao ang mosampong o mobabag sa agianan sa tubig atol sa laing pagbunok sa uwan.

Apan nasayod kita nga ang paghimo sa dinaghan nga pagpanglimpyo dili hingpit nga solusyon sa problema, hinuon, dako kini og ikatabang nga makapaalibyo sa sitwasyon ning panahona. Kaminosan ang pagbabag sa mga basura sa suba ug kasapaan sa dakbayan.

Samtang, mas dakong hagit sa awtoridad mao ang pagsustiner sa kampanya sa kalimpyo, susama sa ulahing kalihokan, o ang pagpadayon sa edukasyon sa mga lumolupyo bahin sa insaktong paglabay sa ilang basura. Kini ang mas bug-at nga tahas ug mas malahutayon nga kalimpyo sa palibot.

Dugang nga dakong hagit, ang koordinasyon tali sa mga managsilingang local government units (LGUs) sa kampanya bahin sa basura human pipila sa mga suba ug sapa mitagos sa ubang LGUs. Kon walay makanunayong kampanya ang silingang LGU, mahimong walay bili ang paningkamot sa dakbayan sa Sugbo. Kini nga punto, dili lang bahin sa basura, lakip na sa mga nag-unang problema sa managsilingang lokal nga kagamhanan.

Hagit sa tanang LGUs sa Metro Cebu, maghiusa sa nag-unang kampanya ug takus nga magsugod kini sa atong tugkaran.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph