SECTIONS
Thursday, September 19, 2019
SUPERBALITA CEBU

Mga tigpayuhot og party drugs

SUKAD gihingusgan sa kapulisan sa Cebu ang kampanya batok sa party drug nga ecstasy, ang mga suppliers niini namalhin na og pamaligya.

Kini mao ang pagtuo sa hepe sa Police Regional Office (PRO) 7 nga si Police Brig. Gen. Debold Sinas human dihay taga-Mandaue City nga naghupot og 465 ecstasy tablets nga mobalor og P1.4 million ug nasikop didto sa Metro Manila.

Si Arnold Immanuel Rafanan Dy, 21, gapuyo sa usa sa mga subdivisions sa Mandaue City, nasikop sa usa ka 24-hour convenience store didto sa Quezon City niadtong gabii sa Agusto 15, 2019.

Matod ni Sinas, gihingusgan sa kapulisan ang kampanya batok ecstasy human sa kamatayon sa usa ka 19 anyos nga si Ashley Abad.

Si Abad giingong nakatomar og ecstasy pipila ka oras sa wa pa niapil og usa ka Sinulog outdoor concert niadtong Enero 2019.

Matod ni Sinas nga hugot ang pag-monitor sa kapulisan sa ecstasy transactions sa Cebu.

Ipasubay ni Sinas kung si Dy nalakip ba sa drug matrix sa ecstasy dealers sa Cebu.

Lakip sa subayon kung kinsa ang mga higala niini sa pagtuo nga nagpayuhot sab og ecstasy sa Metro Cebu. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph