SUGOD karon, Agosto 19, usa ka mas relax, mas punto-por-punto nga pagbalita labot sa Mindanao ug lokalidad ang bitbiton ug i-presentar sa One Mindanao sa GMA Network.
Ang GMA Regional TV mas gihingusgan ang pagpadangat og mga balitang may mas pitik sa kasingkasing sa lokalidad.
Kauban ang mga respetadong television kon TV journalist nga si Tek Ocampo, TV host ug news presenter nga si Sarah Hilomen-Velasco, ug news correspondent nga si Real Sorroche.
Ang tulo maoy manguna sa pagpaambit sa mga balita nga mohulagway sa Mindanao sa maayong bahin niini, di lamang sa hisgutanang terorismo.
"Local news matters. Diba mas interesado tayo sa kung ano yung nagaganap sa paligid natin. We pay more attention to the local scenes, the diverse culture of Mindanao, not only sa mga giyera," ni GMA Regional TV Vice Presidente and Head, Oliver Amoroso sa press conference, Biyernes.
Uban sab niini ang giusab nilang set-up, nga mas relax, sukwahi sa naandan, diin ang mga anchors maglingkod sa couch inay sa bangko.
"With our new set-up ginawa nating extension ng viewers yung studio, mas we can connect to the viewers," dugang ni Amoroso.
Samtang, ang logo sa One Mindanao nagdala na sa kolor green nga nagsimbolo sab sa GMA Regional TV’s branding lukop nasud.
Bukas matag Biyernes ang One Mindanao studio alang sa mga viewers isip live studio audience nila.
Kauban sa mga anchors sa paghatud sa balita ang mga news correspondents niini nga sila Sheillah Vergara-Rubio, Rgil Relator, Jandi Esteban, ug Clyde Macascas lakip na mga tims nga gimugna nga nakabase sa ubang bahin sa Mindanao.
Nasayran nga anaa sa walo ngadto sa 10 ka milyones pesos ang gigahin nga pundo alang sa mga kabag-uhan nga gihimo sa istasyon.
Gikan sa set-up, lakip na dugang kahimanan ug indibidwal nga gikuha alang sa mas full-force nga pagbalita.
“As we mark One Mindanao’s third year, we offer our loyal viewers a bigger, better, and bolder local news cast. We give you news from different key cities and provinces in Northern and Southern Mindanao in a format that is refreshing, yet with the same quality of reportage only GMA Network can deliver. This is also our way of rising to the challenge of producing relevant stories that matter amid the ever-changing landscape of broadcast journalism,” dugang ni Amoroso.
Uban sa tagline “We are One. We are Mindanao. We are One Mindanao,” ang One Mindanao mo-ere, Lunes hantod Biyernes sa singko sa hapon.
Dungan kini nga gi-ere sa mga key cities ug probinsiya sa Mindanao pinaagi sa nagkadaiyang local channels sa GMA.
Gipasigarbo sab ni Amoroso nga sa mubong panahon lang, nakalingkawas sila sa grabeng kompetisyon.
“We are proud to share that in a short period of time, One Mindanao has narrowed the gap in the ratings and is now neck-and-neck with competition."
Sigon sab ni Ocampo, "Di na tayo dun sa kung ano ang gusto ang desk yun ang masusunod, we listen to the suggestion ng reporters, sa lahat for us to provide good news and segments."