DEAR Heartline,
Good pm sa inyong tanan. Ako si Borge taga Maa. Kanunay ko nagabasa sa inyo sa SuperBalita.
Mangutana lang ko kung unsa ang angay nakong buhaton. Naa koy na-friend sa Facebook tapos gi-ingnan ko niya nga magkita mi sa Quirino atbang sa Davao Doctors.
Tuod nagkita mi gabii sa Sunday kay gusto niya magjoin ko sa office nila. Niya dako daw og income, magpay-in lang daw ko og 4,000 pesos tapos kada daw semana mag pay out.
Mao naglibog ko kung mag-apil ko kay Frontrow ang ngalan sa ilang office. Unsa ang angayan nakong buhaton ani?
Borge
***
Hello Borge,
Daghan kaayong salamat Borge kay nagafollow diay ka kanunay sa Superbalita, flattered kaayo mi.
Tungod kay usa man ka negosyo na imong apilan, mas maayo nga studyhan sa nimo og maayo ang ilang marketing plan ug stratehiya paunsa nga ang ilang ma-recruit nga members is mokita.
Sa imong sulti matag semana ang pay-out, pila man ang imong makuha? Ug paunsa nga maka-payout ka, unsa nga pamaagi?
Of course kung moapil ka og sama niini, subayon sa gyud nimo kung ikaw ba makapahimulos o basin sila ray mahayahay sa imong gibubo nga kwarta.
Sabta ang ilang explanation kanimo, diba sa imong unang pag-join kanila naa may orientation, so paminaw ug may di ka masabtan, mangutana.
Usa pa, makatabang sab nga you ask sa imong mga kaila kung may ideya ba sila labot ning kompanya.
Unsa ilang masulti, positive ba o negative, then timbang-timbanga.
Daku-dako sab baya ng 4,000 pesos og ma-thank you lang.
Mao nga istudyuhi una ang tanan, before ka mo-engage sa ilang business platform.
Anaa man gyud ng negusyo, kat-unon sa gyud una nimo ambakan diba? Good luck!
Heartline