SECTIONS
Thursday, September 19, 2019
SUPERBALITA DAVAO

Genoguin: Anti-Subversion Act, ibalik?

Kontra Balanse

ANG Anti-Subversion Act, nahasukip kini sa atong The 1935 Constitution nga kopya sa Konstitusyon sa Amerika ug maoy gipatuman niadtong mga nasud nga ubos sa demokrasya nga sistema sama sa atong nasud sa Pilipinas.

May mga rebelde na kanhi ang atong nasud, apan wala sila magbaton og idolohiya, kini mao ang "Hukbong Bayan Laban sa Hapon (HUKBALAHAP). Sa dihang wala pa mo-ulbo ang ikaduhang gubat sa kalibutan, daan na sila nga mipuwesto sa atong nasud, ug nangilog og mga kayutaan sa atong mga yanong mag-uuma.

Sa dihang mi-ulbo ang ikaduhang gubat sa kalibutan diin gipildi sila pinaagi sa tabang sa America, nanghawa sila dinhi ug gibiyaan ang mga hacienda nga ila nang gipanag-iya, nga giilog gikan kanato.

Malinawon ang atong nasud human sa liberasyon, nunut sa pag-rekober pinaagi sa dakong kadaut nga nahiaguman sud sa lima ka tuig nga gitas-on sa giyera pinaagi sa 'good reparation' nga ayuda sa nasud Japan hinay-hinay kitang naka-rekober.

Apan sa dihang miabot ang bulan sa Disyembre tuig 1968, gimugna ni Jose Maria Sison ang usa ka idolohiyang komunista, nga sa sinugdanan, nakaangkon og suporta gikan sa nasud nga komunista.

Apan sa kadugayan naputol ug ang nahitabo mga lokal nga magpapatigayon ang nagsuporta sa ila pinaagi sa pagpanghadlok nga sunogon ang mga kabtangan mga ekipo kung dili suportahan ang ilang kawsa nga lumpagon kining demokrasyang sistema sa atong gobyerno.

Pagdeklara ni Presidente Ferdinand Marcos og Martial Law niadtong Septiyembre 21, 1972, dinhi gigamit ang Republic Act 1700 nga mas na-ilhan nga Anti-Subversion Act.

Ubos niining balaora, hilabihan kini ka higpit, kay bisan kon makalibkas kalang og pipila ka pulong pabor sa outlaw organization, mahimong damputon ka dayon sa militar ug ipaslak ka dayon sa selda nga way korte.

Tungod kay ang R.A.1700 usa ka outlaw organization, masinggit-singgit kalang nga argabiyado ka sa pamaagi sa gobyernong komunista kanang makit-an kalang nga nagbitbit og flag sa komunista, segurado nga selda ang imong abuton.

Niadtong panahon nga na presidente si Fidel Ramos, sa tuig 1992, iyang gi-repeal ang R.A.1700, ug ang komunista nga outlaw organization, ilhon nang usa ka legal political party, mao nga nangdaghan na kaayo ang legal front karon sa komunista, ang uban misalmot na sa politika pinaagi sa Party-list.

Ang Anti-Subversion Act, plano karon nga ibalik napud daw sa Senado, unsay maingon ninyo niini? Mosamot napud ta og kagubot ini?

Kay kapin sa dose ka legal nga organization nga iya sa komunista, ang madamput ang mga galamay, pero ang ilang lider hayahay.

Walay kalainan sa pagbalik sa silot kamatayon, ang masilotan kadtong gagmay nga mga pusher, apan ang dagkong mga drug lords, gawasnon ug dili matandog kay sa sekreto suportado man sa mga dagkong politiko.

Sakit dawaton pero maoy tinuod di ba?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph