Go: Pagpalugway sa SK, Barangay elections giduso

DAVAO DEL SUR -- Daghan sa mga opisyal sa barangay ang nalipay human giduso na sa Senate Committee on Electoral Reforms ang pagpalugway sa Sangguniang Kabataan (SK) ug barangay elections.

Kini maoy gi-anunsyo ni Senador Christopher Lawrence "Bong" Go atol sa iyang pagpanghatag og tabang sa mga biktima sa sunog didto sa Kalye Putol, Brgy. Poblacion sa dakbayan sa Kidapawan niadtong Biyernes sa hapon.

Gisaksihan sa Sun.Star Superbalita ang pag-apud-apod og tabang sa senador sama sa relief goods, food packs ug ayudang pinansyal.

Kauban ni Go ang ubang ahensya sa gobyerno sama sa Technical Education and Skills Authority (TESDA), National Housing Authority (NHA), nga mihatag sab og 20,000 pesos nga ayuda alang sa partially damaged ug 30,000 pesos sa totally damaged sa 20 ka mga balay ug 27 pamilyang apektado sa sunog niadtong Agosto 5.

Matod ni Go nga kinahanglang ma-postpone ang piliay aron matiwas ang mga proyektong nasugdan sa mga kasamtangang opisyal.

Susamang anunsyo sab ang gihimo ni Go human nahimong guest speaker atol sa ika-72 nga anibersaryo sa lungsod sa Sultan Kudarat, Maguindanao niadtong Sabado.

Miani og daghang palakpak gikan sa mga opisyal sa barangay ang sulti sa senador nga sa Oktubre 2022 na angayang mahitabo ang piniliay sa SK ug barangay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph