KIDAPAWAN CITY -- Lima ka tawo nga suspek sa pagpanglugos og menor de edad ang gisilutan sa korte sa siyudad sa Kidapawan og life imprisonment sa adlaw nga Biyernes.
Nakonbikto sa lahi nga promulgation sa Regional Trial Court kon RTC Branch 23 sa maong syudad ang mga suspek.
Ang hukom nga gipagawas ni Presiding Judge Jose Tabosares kun diin usa ka amahan ang napriso og 20 hangtod 40 ka tuig human nga gilugos ang usa ka menor de edad nga stepdaughter niini.
Giila ang suspek nga si alyas Boy kinsa milugos sa ikaduhang higayon ni alyas Nene, 15-anyos nga iyang stepdaughter ug molupyo sa Magpet, North Cotabato.
Niadtong dos mil syete ug dos mil dose, gisilutan sab ni Judge Tabosares og reclusion perpetua ang usa ka amahan ug silingan kinsa parihong milugos og menor de edad sa Antipas Cotabato.
Apan, niadtong dos mil kwatro, gikasuhan ang laing amahan og lima ka counts sa rape og gisintensiyahan og reclusion perpetua human gilugos ang iyang 13-anyos nga anak sa syudad sa Kidapawan.
Laing suspek sab nga silingan kinsa milugos sa 13-anyos nga dalagita nga molupyo sa North Cotabato nga gisilutan og reclusion perpetua.