USA ka mananagat ang nalumos patay samtang nangisda sa Punta Bia-o, siyudad sa Digos.
Ang namatay, giila sa kapulisan nga si Toni Lapi, 42 anyos ug molupyo sa Barangay So-ong sa dakbayan human nangisda kini mga alas 12:30 sa udto, Huwebes.
Si SPO2 Roland Dagondon, imbestigador sa Digos City Police Office, nikanayon nga gisuwayan pa paghatud didto sa Davao del Sur Provincial Hospital (DDSPH) ang biktima apan igo lamang kining gideklara nga dead on arrival.
Gihiling pa sa mga doktor ang lawas sa biktima aron masuta kung bay 'foul play' sa nahitabo samtang ang patayng lawas niini anaa sa Angel Funeral Homes.
Gisubay sab sa kapulisan kun nganong nalumos ang biktima didto sa dagat. (Dondon Dinoy)