Kanhi seaman gipusil, patay

Hulagway kuha ni Alan Tangcawan
Hulagway kuha ni Alan Tangcawan

GIPUSIL sa wa mailhing mamumuno ang usa ka kanhi seaman nga gikan nitambong sa hearing sa iyang kaso sa drugas pasado alas 2 Lunes sa hapon, Agusto 19, sa Dakbayan sa Lapu-Lapu.

Ang biktima giilang si Irving Querubin, 49, taga Sudtonggan, Brgy Basak,Dakbayan sa Lapu-Lapu. Nadala pa sa ospital si Querubin, apan namatay paglabay sa pipila ka minutos.

Si Querubin giingong nag-atubang og kasong may kalambigitan sa paghupot og ginadiling drugas.

Naangol usab ang iyang higalang maoy nag-drive nga si Niel Costavilla, 45, human maigo sa tiil, apan naa na sa luwas nga kahimtang.

Duha ka igsuong mga babaye ni Querubin nga diha sa backseat wa maunsa.

Matod ni Senior Master Sergeant Jeofrey Managase, desk officer sa Gun-ob Police Station sa Lapu-Lapu City Police Office,na reset ang hearing sa kaso ni Querubin sa Lapu-Lapu City Hall of Justice.

Dali kini nga nipauli unta sakay sa iyang Toyota Vios (P2L874).

Apan pag-abot sa atubangan sa usa ka pension house sa may dan ML Quezon National Highway sa Brgy, Pajo, kalit lang gipusil ang gisakyan ni Querubin sa duha ka mamumunong luwan sa motorsiklo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph