IPASIRA ni Mayor Edgardo Labella ang KTV bar sa General Maxilom Ave., dakbayan sa Sugbo niadtong Sabado, Agusto 17, diin na-rescue ang 27 ka mga babaye, 11 niini giingong mga menor de edad.
Kini kon masuta sa Cebu City Legal Office (CCLO) pinangulohan ni Atty. Rey Gealon nga adunay tulobagon ang managment sa maong balay kahilayan atol unya sa ipahigayon nga imbestigasyon.
“By all means they should be punished. I will have that investigated by the City Attorney. If found that there is a liability on the part of the KTV then I will issue a cease and desist order,” padayag ni Labella..
Ang mayor nibutyag nga gawas sa pagpapasira sa ilang establisemento, iyang pasakaan og kaso ang management sa KTV Family Bar para paghatag og leksyon.
Si Labella niawhag ngadto sa KTV operators sa dili pag-hire og mga menor de edad sa ilang operasyon ug mosunod sa lagda sa balaod.
Gawas sa 27 ka mga babae nga na-rescue, nadakpan sa mga operatiba sa Women and Children Potection Desk sa Cebu City Police Office ug personnel sa Department of Social Welfare and Development (DSWD) gumikan sa paggamit sa KTV bar sa mga babaye para sa prostitusyon.
Ang mga operatiba nipahigayon og surveillance nga nilanat og tulo ka semana sa wala pa nila ilusad ang rescue operation.