ANG Aboitiz Group, pinaagi sa iyang parent firm Aboitiz Equity Ventures, Inc. (AEV) ug corporate social responsibility arm Aboitiz Foundation, nakighiusa na sab sa Department of Environment and Natural Resources (DENR), ug ning higayona aron pagluwas sa San Juan River.
Ang San Juan River usa sa mga suba nga padung sa Pasig River ug gitas-on nga dul-an sa 11 kilometros gikan sa dakbayan sa Quezon ngadto sa Manila, ug gikonsiderar sa DENR nga labing polluted waterway sa Metro Manila.
Sa pagkakaron, ang kalidad sa tubig sa maong suba gikonsidera nga 'poor' nga dunay presensiya sa fecal coliform (human o animal waste) ug biochemical oxygen demand (organic strength of wastes in water) nga nilapas sa acceptable levels, ug walay measurable dissolved oxygen, hinungdan nga kini walay isda ug ubang aquatic organisms.
Kini kabahin sa Manila Bay Rehabilitation plan.
Pinaagi sa Memorandum of Agreement nga gilagdaan sa Quezon City niadtong Agusto 16, Biyernes, ni DENR Secretary Roy A. Cimatu ug AEV Chief Operating Officer Sabin M. Aboitiz, ang San Juan River Rehabilitation maglakip sa pagpalambo ug pagpatuman sa malangjubo nga programa nga gitumong sa pagpaminos sa polyusyon sa San Juan River pinaagi sa clean-up, rehabilitation, conservation, ug preservation sa suba.
Malaumon sa DENR’s partnership uban sa Aboitiz, si Sec. Cimatu niingon: “Today, we take a solid and resolute step towards winning the Battle for Manila Bay."
Alang sa Aboitiz Group, ang pakighiusa sa DENR nasubay sa iyang pagkakomitado sa pagpanlipod ug pagpalambo sa kinaiyahan. (PR)