Mga opisyal nasubo sa kamatayon ni Gina Lopez

GIABAGAN: Usa kini sa mga higayon nga sila si kanhi Environment secretary Gina Lopez (wala) ug Konsehal Joel Garganera nga nagkauban. Si Lopez misuporta kang Garganera sa tinguha niining masirhan ang Inayawan Landfill. (Gikan sa fb page ni Konsehal Joel Garganera)
GIABAGAN: Usa kini sa mga higayon nga sila si kanhi Environment secretary Gina Lopez (wala) ug Konsehal Joel Garganera nga nagkauban. Si Lopez misuporta kang Garganera sa tinguha niining masirhan ang Inayawan Landfill. (Gikan sa fb page ni Konsehal Joel Garganera)

GIKASUBO ug gikakurat sa mga opisyal sa Sugbo ang pagtaliwan ni kanhi Department of Environment and Natural Resources (DENR) Secretary Gina Lopez gumikan sa brain cancer. Si Lopez 65.

Si Mayor Edgardo Labella nihulagway kang Lopez nga maoy grabeng nanalipod sa kalikupan dihang siya ang nagdumala sa DENR.

“We are also saddened that one of the pillars of stronger advocates for the environment has passed away. I hope that the legacy that she has left behind especially in the fight against indiscriminate logging, indiscriminate mining should be taken into consideration not only by the officials of government, but also to those who are engaged in this business, the logging and mining,” matod ni Labella sa iyang pamahayag.

Si Cebu Governor Gwendolyn Garcia nahasubo usab.

“We have lost a champion. I had cheered her on as I read the news when she realized that the Inayawan landfill was an open dumpsite on a reclaimed lot,” matod ni Garcia

Inayawan Landfill

Si Konsehal Joel Garganera nasagmuyo sa kamatayon ni Lopez, kinsa iyang gihulagway nga dakonog natabang para sa pagsirado sa kanhi Inayawan dumpsite.

“Secretary Gina Lopez is a big loss for the environment. I would say it is a very sad day for the environment especially in Cebu,” padayag ni Garganera.

Ang konsehal nihulagway kang Lopez nga tinuoray nga nidapig sa kalikupan hilabi na dihang nisang-at siya og “Writ of Kalikasan” sa Court of Appeals batok ni kanhi Mayor Tomas Osmeña para mahunong na ang paggamit sa dumpsite sa Inayawan niadtong tuig 2017.

Si Garganera nagtuo nga mapilde siya sa kaso gumikan sa kasuod ni Osmeña sa pamilyang Lopez gumikan sa iyang maguwang nga si kanhi senador Serge Osmeña.

Apan matod ni Garganera nga wala modapig si Lopez sa padayon nga paggamit sa kanhi landfill sa Inayawan.

Inay gisuportahan si Garganera ni Lopez sa iyang kaso nga gisang-at sa CA.

Niadtong panahona, ang baho sa dumpsite moabot na sa mga barangay sa Talisay Citu ug Cebu City habig sa coastal areas ug nangreklamo na ang mga locator sa South Road Properties.

Si Garganera nidaog sa maong kaso sa CA ug gipalig-on sa Korte Suprema. (PAC, dugang taho ni RTF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph