SECTIONS
Monday, September 23, 2019
SUPERBALITA CEBU

Howard mobalik sa Lakers?

POSIBLENG kuhaon sa Los Angeles Lakers ang usa sa ilang kanhi nga mga magduduwa aron makatapak sa haw-ang nga mabiyaan ni DeMarcus Cousins, kinsa naangol ug gituohang dili makapakita og aksyon sa umaabot nga 2019-20 season sa National Basketball Association (NBA).

Ang kanhi All-Star center nga si Dwight Howard, kinsa nakaduwa sa Lakers niadtong 2012-13, gilauman nang daan nga mobiya sa kasamtangan niyang kampo nga mao ang Memphis Grizzlies aron mobalik sa Lakers.

Gikataho sa ESPN kagahapon nga gitugtan na sa Grizzlies ang mga representante ni Howard aron makignegusasyon sa ubang teams.

Si Howard nag-average og 17.1 puntos ug 12.4 rebounds dihang nagduwa siya sa Lakers apan niadtong maong season apan gisiruhan sila sa San Antonio Spurs, 4-0, sa 1st round playoffs series.

Sa miaging season, sulod ra sa siyam ka mga duwa nakapakita og aksyon si Howard ubos sa kampo sa Washington Wizards gumikan kay naangol kini.

Niadto lang Hulyo, gi-trade siya sa Wizards ngadto sa Grizzlies baylo kang CJ Miles.

Ang 33 anyos nga si Howard, kinsa manugpatong na sa iyang ika-16 ka mga tuig sa NBA, gituohang makatapak og insakto sa haw-ang nga mabiyaan ni Cousins.

Gikuha si Cousins sa Lakers gikan sa Golden State Warriors aron unta makatabang nila ni LeBron James ug Anthony Davis sa pag-agak sa multi-titled squad og balik sa ibabaw.

Apan sa wala damha, naangol (ACL) si Cousins niadto lang Agusto 15 atol sa training sa Lakers sa Las Vegas. (AP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph