SECTIONS
Sunday, September 22, 2019
SUPERBALITA CEBU

BP sunod target nila ni Hermosa ug Erediano

BATANG PINOY PROSPECTS: Sila si Matthew Justine Hermosa (wala) ug Moira Frances Erediano maoy gilauman ug pambato sa Sugbo sa umaabot nga 2019 Batang Pinoy Championships nga ipahigayon karong Agusto 25-31, 2019 sa Puerto Princesa, Palawan. Ning hulagwaya, ang duha mapasigarbuhon nga mipakita sa ilang tagsatagsa ka mga gold medal sa bag-o lang natapos nga Alaska Ironkids. (File Photo)

SUMPAYAN og suway sa mga sakop sa Talisay City Luigi Triathlon Group (TLTG) mha sila si Matthew Justine Hermosa ug Moira Frances Erediano ang ilang kalampusan sa ilang kampanya sa 2019 Batang Pinoy Championships nga ipahigayon karong Agusto 25-31, 2019 sa Puerto Princesa, Palawan.

Sila si Hermosa ug Erediano parehong ningpatigbabaw sa 13 to 14 boys’ and girls’ division sa Alaska Fortified Ironkids Philippines sa Lapu-Lapu City niadtong Agusto 10.

Ang duha ka sumosulbong nga triathletes sa Sugbo nagtinguha nga ilang makaluhaan ang maong kalampusan sa ilang pagsalmot sa Batang Pinoy.

Apan ning higayuna, mas lisod nga kompetisyon ang ilang maagian gumikan kay ilang ikaparang ang labing maayong triathletes sa tibuok nasod nga nag-edad og 15 anyos ug paubos.

Ikaparang ni Hermosa ang iyang mga kauban sa TLTG nga sila si Jacob Kennedy, Jacob Clint Lipura, Earol Belonguil ug Dave Zachary Fernandez samtang si Erediano makigsangka nila ni Jeanna Mariel Cañete, Reece Polinar, Kendra Leigh Cabando ug Marielle Estreba.

Ang TLTG mohamag sa kompetisyon nga adunay kumpletong puwersa gumikan kay mosalmot sab sila sa cycling events.

Sila si John Fernan Flores ug Luke Patrick Fernandez morepresentar sa TLTG sa boys’ 14-15 age group, si Kurt Gavin Cabando sa 12-13 division ug Jason Christopher Cañete ug Van Wincy Pagnanawon sa (9-10).

Si Vianne Agnel Pagnanawon moapil sa girls’ 12-13 ug Rhexiel Belonguil sa girls’ 9-10.

Ang ubang events nga kombatihan mao ang archery, arnis, athletics, badminton, boys’ and girls’ basketball, baseball, billiards, boxing chess, dance sports, futsal, gymnastics, judo, karatedo, lawn tennis, muaythai, pencak silat, rugby football, sepak takraw, softball, soft tennis, swimming, table tennis, taekwondo, volleyball, weightlifting, wresting and wushu. (RSC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph