GIPAKITA ni Jerome Casinillo nga usa siya sa sumosulbong nga runners sa Sugbo sa iyang pagdaog sa men’s 10-K category sa Fit 2 Run niadtong Dominggo, Agusto 18 sa Pescaderos Road, Cebu Business Park.
Ang lumad nga taga San Francisco, Camotes Island nakaabot sa finish line human sa 33 ka mga minutos ug 54 ka mga segundos.
Gipakaging ni Casinillo sila si Samuel Vanvalkenburg ug ang beteranong si Engbino ‘Sano” Desederio.
Si Vanvalkenburg maoy niangkon sa ikaduhang dapit pinaagi sa oras nga 34:14 samtang ikatulo si Desederio nga adunay oras nga 34:31.
Ang 19 anyos nga si Casinillo mianhi sa dakbayan sa Sugbo aron mopadayon sa iyang pagtungha ug sa samang higayon, ipadayon ang iyang career sa lumba sa dagan. Si Casinillo nagpamiyembro sa Spectrum Runners. (RSC, ESL)