TRENDING sa social media ang pagbida sa taga Sindac Anib Performing Ensemble of Bislig-Surigao del Sur atol sa ika-34 Kadayawan sa Davao niadtong Sabado, Agosto 17.
Kini human sa ilang makalingaw nga suot. Nagbahag nga inspired sa Tribong Manobo diin makita gyud ang kinauyokan sa ilang mga paa ug ang kinapusoran sa kilid sa ilang mga sampot nga usa sa mga milingaw sa kaugdahan nga gikahimuot sa Dabawenyo ug sa kadaghanan.
Tungod kay ilang nakuha ang emosyon sa Dabawenyo ug sa mga hurado, sila ang nahimong mamanaug alang sa Open Category nga dunay ganting P1,000,000.
Atol sa ilang pagrampa sa kadalanan ug sa ilang presentasyon, gilayong nagbaha ang post sa social media, ug nag-trending. Kini gumikan kay seksi kaayo sila, diin bahag nalang ang bugtong mitabon sa ilang kinatawo.
Dili malikayan ang mga tawo nga moreklamo gayod, diin diay mga mibatikos ug alang nila dili haum ang pagdaug sa Sindac Anib Performing Ensemble.
Wala suma pa kini sa krayterya, gumikan kung isipon alang sa mga matikuluso nga mga tawo, ngil-ad kaayong tan-awon diha sa publiko nga kung makalitan og tan-aw, nanggihubo sila sa ilang mga sapot.
Gilayong gipasabot ni Davao City Information Officer Jefry Tupas ang krayterya diin iya kining gi-post sa iyang Facebook.
Suma ni Tupas nga dunay kaugalingon nga interpretasyon ang entrante sa Bislig ngadto sa kinabuhi sa mga Obu Manuvu pinaagi sa ilang pagsayaw.
"My personal take on this is this - the contest is not for the purists, including those who do not appreciate butt exposures and joyful and colorful, celebratory performances," suma ni Tupas.
Dugang niya, "In my opinion, if we want to be collectively purist and hardheadedly hold on to what's strictly cultural and traditional, might as well we do not bring these dances downtown. Might as well we do not celebrate the unity and diversity of the tribes."
Giingon sab ni Tupas nga kini gayod ang ilang mabulukon nga kultura ug kinaadman sa ilang tribo, ang pagbahag, ug klaro nga wala sila nakasupak sa krayterya.
"Instead, we go to their upland villages, immerse, experience the culture, live the life. After all, most of these dances are supposed to be religious, and sacred - meant to heal the sick and the dying, summon the rain, drive away pests. These are rituals, foreplay, to please the gods. They're not for us," panapos ni Tupas.
Ang kultura ug kinaadman sa kabukiran di matuis. Di mapapas bisan pa og sanapan kini sa moderno nga panahon. Magpabilin kining mabulukon labi na og gipasa-pasa kini sa mga henerasyon.
Walay nahimong sayop ug nalapas ang Sindac Anib Performing Ensemble. Gipakita lamang nila ang ilang mabulukon nga kustombre sa ilang kaliwatan.