Mga nasunogan nagpasalamat

NAGPASALAMAT ang mga residente nga nasunogan sa Purok 3, Isla Verde, Barangay 23-C, Poblacion, Davao City ngadto sa pagbisita ni Senador Christopher Lawrence "Bong" Go Dominggo sa gabii, Agosto 18.

Mismong ang senador ang midunol sa mga hinabang sa dul-an 600 ka pamilya nga biktima sa dakong sunog niadtong Biyernes.

Ang senador nanghatag og mga relief goods. Mihatag sab kini og cash assistance sa mga biktima nga na-validate sa City Social Services and Development Office (CSSDO).

Luyo sa kasubo sa mga nabiktima sa sunog, nahulipan kini og kalipay sa pag-uban sa mga inilang artista sa telebisyon nga sila Phillip Salvador, Cesar Montano, Robin Padilla ug Jake Cuenca.

Sumala ni Barangay 23-C kapitan Alimoden Usman nga dako ang iyang pasalamat sa ayuda nga gitunol sa senador nga taga Davao City.

"Malaki ang pasasalamat natin kay Senador Bong Go. Dahil mula pa noon, alam na natin ang pagkatawo niya na matulungin at maawa talaga sa mga mahihirap, at sa mga biktima ng kalamidad at maging kagaya nitong sunog, at sa mga may sakit," mapasigarbuhon nga pahayag ni Usman.

Ang mga biktima sa sunog anaa gipahaluna sa covered court sa Mini-Forest sa maong barangay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph