2 lalaki nangalumos

PATAY ang duha ka mga lalaki human nangalumos niadtong Sabado, Agosto 17, sa kadagatan sa Vales Beach Resort, Barangay Daliao, District Toril, Davao City.

Ang Toril Police Station nag-ila sa mga biktima nga sila Laoro Villamor, 48-anyos, minyo, residente sa San Gabriel Mintal; ug si Geovani dela Torre Torres, 48-anyos, residente sa Sanai Village, Purok 22, Mintal.

Giingong nga 100 metros gikan sa dagat mao ang police outpost, maong dali nga natawag ang atensiyon sa awtoridad.

Nasayran nga nakit-an na lang ang duha ka biktima nga nagkapa-kapa ug hinay-hinay nga gilamoy sa kusog nga sulog ug balud sa dagat.

Gisulayan pa og luwas sa mga rescuers human nakita kini sa upat ka mga tawo sa dapit. Apan, sa kakusog sa balud naglisod sila og luwas.

Usa ka MSGT Lapitan sa Philippine Army ang misulay og luwas sa duha ka biktima diin dihang naluwas kini. Gidali og dala sa Saint John Hospital, apan gideklara sa mga doktor nga dead on arrival ang duruha.

Gihaya na sa ilang tagsa-tagsa ka mga pamilya ang patay nga lawas sa mga biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph