20 anyos gidunggab, patay

PATAY na paghidangat sa balay tambalanan ang usa ka 20 anyos nga batan-on dihang kalit giluba mga alas 6:15 sa gabii sa Barangay Molugan, siyudad sa El Salvador, Misamis Oriental.

Giila ang namatay nga mao si Romiel H. Pudadera, residente sa dapit kinsa nakaangkon og nagkadaiyang samad sa lawas hinungdan sa kamatayon.

Kritikal sab ang kahimtang sa higala niining si John Glenn A. Lumucso, samtang samaran si Elson V Laterta, 16 anyos, kinsa niadtong higayona nag-inom lang sa dapit.

Giila sa kapolisan sa El Salvador Police Station, sa pagpangulo ni Police Lieutenant Colonel Randy T. Anito, nga ang mga suspetsado sila si Vincent Palma ug usa ka Pusod Teler nga karon pulos nakasibat ug gipangita pa sa kapolisan.

Gitouhan nga dumot ang gitouhang motibo sa pagpangluba.

Ang laing duha ka mga biktima gidala na sa Northern Mindanao Medical Center ning siyudad sa Cagayan de Oro karon panahona.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph