SECTIONS
Thursday, September 19, 2019
SUPERBALITA CAGAYAN DE ORO

City hospital andam moatubang sa kaso

ANDAM nga moatubang ang kadagkoan sa J.R Borja General Hospital (JRBGH) sa giingong pagpasaka og kaso batok kanila tungod sa giingong kamatayon sa usa ka pasyente.

Nasayran nga ang inahan nga si Ruby nga taga Barangay Carmen buot nga magpasaka og kaso batok sa nurse ug doktor nga nag-atiman atol sa pagdala sa iyang anak sa maong ospital.

"Kung naatiman pa mi og insakto gyud adto, nahulog man gud to nga napasagdan gyud permiro gyud nga paghilanat ako gyud gidala sa hospital, tulo na gud tonak sintomas katong iyang hilanat, gasuka ang bata ug labad ang ulo, tulo na gud to sila biya nakahibalo," matud sa inahan.

Samtang gibutyag ni Dr. Ramon Nery, chief sa City Hospital, nga andam sila nga moatubang sa ipasaka nga kaso tungod kay duna kini silay mga rekord ug giklaro niini nga wala sila nagpasagad ug wala nila gitugotan ang mga susama niana.

"We will not tolerate sa mga nagpasagad niani tanan nga incidents nga magpasagad automatically be terminated of their job orders or given the necessary sanctions as provided for by civil service rules and laws," matud ni Nery.

Gidugang pa niini nga tungod sa kadaghan sa mga pasyente, duna silay mga standard operating procedures kalabot na sa dengue.

Gipasabot usab niini nga kung kalabot na sa usa ka kaso diha sa ilang ospital, giingong wala kini rekord nga nibalik ang pasyente human nga gihatagan og instraksiyon.

"If we are talking about that particular case, our record show wala gyud mo follow og intruction, wala moadto sa among outpatient department kay nakuhaan unta siya og complete blood count (CBC) ug tanan nga eksaminasiyon kinahanglan nadakpan unta to nga naa siyay dengue at the very opportune time that we still have chance," dugang pa.

Gikabutyag usab nga nasayran na lang sa tinugyanan sa ospital nga anaa na sa Northern Mindanao Medical Center (NMMC) na-admit tungod kay grabe na.

Gidugang pa nga andam kini mo-atubang sa mga ipasaka nga kaso.

"We are ready to face any charges because our records are open we have the protocol, we have the records. Gi-awhag nako tanan kung naay mga masusungit, we do not tolerate that mao gyud na emphasis nako, our hospital should be different from all other government hospitals," dugang pa.

Giingong wala niini gitugotan diha sa ospital ang mga dili maayong pamatasan ug gani ipatawag niini sa iyang opisina ug kasab-an kung dili mag-good morning kaniya tungod kay labaw na nga dili kini mohatag og pangatahoran sa mga pasyente nga gi-atiman.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph