SUPERBALITA CAGAYAN DE ORO

Iyaan gipatay sa pag-umangkon

GIDUNGGAB sa pag-umangkon kinsa giingong dunay deperensiya sa pangisip ang iyang iyaan niadtong Agusto 17 mga alas 8:00 sa gabii sa San Nicholas, Barangay 2, Kauswagan, siyudad sa Cagayan de Oro.

Patay si Josefina Babanto, 64, dalaga, residente sa maong dapit, ug ang suspek naila nga si Julius Babanto, 38, ulitawo.

Sa nahipos nga impormasiyon, gikabutyag base sa nakasaksi nga si Marina Osin, 60, nga kalit lamang gidunggab ni Julius ginamit ang kutsilyo nga dunay gitas-on nga 13 ka pulgada ang iyang iyaan.

Nakaangkon si Josefina og samad sa iyang dughan lahos sa kasingkasing, rason sa hinanaling kamatayon. Gidala pa kini sa Northern Mindanao Medical Center (NMMC) mga alas 8:19 sa gabii apan gideklara kining patay mga alas 8:53 sa gabii.

Sa pakighinabi sa kapulisan sa Police Station 4 (PS4) sa Carmen, gikabutyag nga dunay deperensiya sa pangisip ang suspek gani duna kini mental medication.

Dali usab nga nasikop sa mga Oro Kauswagan tanod ang suspek ug gidala sa buhatan sa kapulisan.

Ang patay nga lawas ang gi-atiman na sa nahabiling pamilya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph