PARA nako mas maayo pa nga dawaton nalang sa kampo ni kanhi kongresista Red Durano ang ilang kapildihan sa miaging Mayo 13, 2019 midterm election.
Si Durano, pinaagi sa iyang mga abogado, miduso sa ilang election protest sa House of Electoral Tribunal ( HRET ) niadtong Hulyo 15, ang deadline sa mga election protest.
Si Durano nikuwestyon sa ilang kapildihan pinaagi voting counting machine nga naka-alangan ug nakaduda nga ang boto, para ni Durano, wa mogawas.
Si Kongresista Duke Frasco ang nahimong mananaog pinaagi sa pagkuha ug butos nga 153,435 ikompara sa kang Durano nga 116,826.
Sa kinatibuk-an, nakakuha og 35,609 nga labaw si Frasco batok ni Durano, sa ilang panag-atbang sa pagka kongresista sa ikalimang distrito sa lalawigan sa Sugbo.
Karon lang ko nakapagawas sa akong panahom ning isyu human madawat ang daghang reklamo sa mga botante sa ikalimang distrito nga nagpabor sa ka daugan ni Frasco.
Dunay mga botante sa among dapit sa Danao City ang nagkanayon nga gusto sab silang mosuway sa bag-ong pangan sa pulitika nga maoy mopadagan sa among distrito.
Puol na ang 70 ka tuig nga pagdumala sa mga Durano nga wa makapatagbaw sa ilang performance ngadto sa katawhan mao nga ilang giilisan.
Nisumbong sab nako ang ang young professionals ug senior citizens nga nagkuwestyon sa pagbutang ni Durano og mga pangan sa iyang proyekto.
Nahibong sila nganong karon man lang gibutang ang signage sa mga proyekto nga nahimo ug ang uban nagpadayon nga si Frasco na ang nahimong kongresista.
Sa kadako sa labaw nga nakuha ni Frasco batok ni Durano maoy pagmatuod nawa na ang gana sa katawhan.
Ug pila ka milyon ka pesos ang kadako sa gasto sa pagduso sa election protest aron ibaliwa ang kadaugan ni Frasco.
Mas maayo pa og ila nalang pangandaman ang 2022 nga election aron makig-rematch.
Hinuon gigamit lang sa mga Durano ang ilang katungod sa pagprotesta. Email:efrenlonzon71@gmail.com Text:09235562777