NAGPANGLINGO si American boxing legend Floyd Mayweather Jr. human niya masayri sa nakalabay nga adlaw ang ningkatap sa social media diin nakita siya sa video nga naghisgot nga adunay posibilidad nga madayon ang rematch nila ni Filipino icon Manny Pacquiao.
Sa video, nagkanayon si Mayweather nga nagplano siyang mobiyahe sa Saudi Arabia aron makigsabot og promoters alang sa panag-away nila’g balik sa Pambansang Kamao ng Pilipinas.
Gipasabot ni Mayweather nga karaan na ang maong video ug wala’y kamatuoran ang tanan.
Pipila ka media outlets ang nagtuo nga adunay kamatuoran ang video ug dali kining gipang-post sa social media.
Nasuta nga ang video girekord sa miaging tuig alang sa usa ka promosyon sa usa ka produkto diin gihangyo si Mayweather sa usa ka overseas investment group nga hisgutan og apil si Pacquiao.
Gumikan kay nagkadaghang media outlets ang ningtaho niini, si Mayweather mibuhi dayon og pamahayag aron ibutyag nga wala’y kamatuoran kining tanan.
“The video that y’all been seeing is false because I’ve been went to Saudi Arabia. I went there a long time ago,” matod ni Mayweather sa interbyu sa Fighthype.com.
“I talked to them about me fighting there, just different fights, but they wanted me to specifically say Manny Pacquiao. And actually, we didn’t just talk about boxing; we talked about different events; us bringing different events out there.”
Giklaro ni Mayweather nga wala’y mahitabong rematch tali nila ni Pacquiao.
“But as far as me and Manny Pacquiao, as of right now, it will never be a rematch,” pagtino ni Mayweather.
Si Mayweather, 42, hingpit nga miretiro niadtong Agusto, 2017 human niya gipaundang si UFC superstar Conor McGregor sa 10th round.
Ang kampo ni Pacquiao nagtuo nga ang pag-adto unya ni Mayweather sa Saudi Arabia mao ang pagpangita og promoter nga sa ilang rematch sa fighting senator.
Giangkon ni Gibbons nga way kalibutan ang fighting senator kalabot niini.
Napangagpasan sa international promoter nga ang gihimo karon ni Mayweather mao ang pagkombinsi nga adunay makagasto sa promotion sa ila unyang rematch ni Pacquiao.
Kon kahinumdoman, si Pacquiao human sa iyang kadaugan batok ni Keith Thurman mipasumbingay nga gusto siya og rematch batok ni Mayweather.
Apan si Mayweather daw sa mipakita nga way siyay interest niini.
Gani ang duha nagkabinayloay og mga mainiton nga komento sa social media.
Apan niining bag-ong pagtumaw karon sa video, daghan ang nagduda nga paagi kini ni Mayweather nga mahinayon ang rematch ug dugokan sa mga boxing fans.