SUPERBALITA DAVAO

Lumad, wala bugal-bugali

WALA suma pa’y intensyon nga magbugal-bugal sa tribo ang Sindac Anib Performing Ensemble of Bislig Surigao del Sur human miani og pagsaway ang grupo sa netizens gumikan sa pagbahag niini nga walay sapot sa ibabaw ang ilang mga performers atol sa Indak-Indak sa Kadayawan niadtong Sabado, Agosto 17.

Sumala ni Marc Hingco, usa sa mga nagdala sa maong grupo, nga mangayo na lang sila og pasaylo kung duna may nalain sa ilang gisuot atol sa ilang pasundayag.

“As one of the head of contingents. I am really trying to apologize, if ever we have violated or anyway we have offended some of the minority. But, purely wala gyud mi nagbugal-bugal. It’s pure interpretation. It’s a heartfelt nga interpretation sa culture. We don’t have any intentions to violate or we don’t have any intention to discriminate any of our minorities,” tipik sa pamahayag ni Hingco atol sa pakighinabi sa Good Morning Mindanao sa dxGM Super Radyo Davao.

Dugang niini, “Maybe, I can’t blame the action of the dancer because siguro pud sa actions nga gipakita sa tawo. Maybe ang kadtong tawo gyud mismo nag-request nga kato iyang eh kuan (pose)... Pero for sure, tungod sa excitement siguro ug nakita ang reaction sa tawo mora’g iyang i-reciprocate.”

Una niini, pipila ka mga sensitibo nga mga tawo diha sa mga nagkadaiyang grupo ang mikuwestiyon nganong sila ang nahimong champion sa Open Category sanglit suma pa nga kung tugkaron ang konsepto, daw nanggihubo diha sa publiko.

Apan sa pagpasabot ni Davao City Information Officer Jefry Tupas nga dunay kaugalingon nga interpretasyon ang entrante sa Bislig ngadto sa kinabuhi sa mga Obu Manuvu pinaagi sa ilang pagsayaw.

“My personal take on this is this - the contest is not for the purists, including those who do not appreciate butt exposures and joyful and colorful, celebratory performances,” suma ni Tupas.

Hinuon nadugangan ang kasadya sa mga Dabawenyo atol sa pasundayag sa nahisgutang grupo nga gikan pa sa Bislig City.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph