ANG Philippine Association of Retired Persons Inc. (Parp) mosaulog sa ilang ika-20 nga anibersaryo karong Dominggo, Agusto 25, 2019.
Ang kasaulogan ipahigayon sa Capitol Central Hotel, N. Escario St., dakbayan sa sugbo, diin ablihan sa misa 11:00 sa buntag. Mosunod ang salosalo ug pagpanumpa sa mga bag-ong opisyal.
Sa maong adlaw, dunay mga pagtuki nga pagahimuon bahin sa cash assistance for senior citizens gikan sa Cebu City Government.
Ang Parp nidapit kang Cebu City Vice Mayor Michael Rama isip mamulong alang sa plano sa City Hall ug mga programa sa seniors ug retirees.
Gipaabot nga tukion mao ang P1,000 monthly cash aid sa matag senior citizen kansang paghatag gisuspenso sa kakuwang sa budget human ang bag-ong administrasyon ni la ni Mayor Edgardo Labella ug Rama niasumir lang niadtong Hunyo 30.
Si Rama, isip City Council presiding officer, gilauman gna mohatag og update sa proposed supplemental budget nga magamit sa maong katuyoan.
Ang Parp nahimugso niadtong 1999 sa Manila ug nibalhin sa iyang base sa Cebu City.
Lakip sa kalamposan sa Parp mao ang pagpaumento sa Social Security System monthly pension ngadto sa P2,500 isip resulta sa pagsudo sa ilang national executive board ubos sa pagpangulo ni Amado F. Cabaero.
Ang forum abli sa publiko ug P500 ang bayad sa paniudot sa matag tawo.
Sa dugang kasayoran, kontak ni Grace Cabaero - Ferreros sa 0943 862 3206 o graceferreros28@gmail.com. (PR)