SECTIONS
Saturday, September 21, 2019
SUPERBALITA CEBU

Lariosa, kanhi SuperB consultant, namatay

ANG Sugboanong magbabalak ug magsusuwat sa literatura Ernesto D. Lariosa namatay sa failure sa atay ug kidney sa Martes, Agusto 20, 2019.

Hangtod sa iyang pagkaospital sa Agusto 6, 2019, si Lariosa nisuwat sa iyang senemanang lindog sa Superbalita Cebu sukad kini napatik niadtong Oktubre 23, 1994.

Si Lariosa, 74, mao ang Cebuano language consultant sa Sunstar. Siya ang nisuwat ug nihan-ay sa Tamdanan, ang stylebook nga gitamdan sa Superbalita sa hustong paggamit sa mga pulong sa Cebuano Bisaya.

Si Lariosa ang pioneer sa Bathalan-ong Halad sa Dagang Inc. (Bathalad) Sugbo, nga nisaulog sa iyang ika 50 nga anibersaryo niadtong Lunes, Agusto 19. Wa siya makatambong sa kasaulogan.

Siya natawo niadtong Disyembre 11, 1994 sa Tabionan, San Fernando, Cebu, atol sa Ikaduhang Gubat sa Kalibutan.

Sa iyang pagka tinun-an sa sa Southwestern University, siya nahisakop sa Albicalarivi Group nga gitukod ni magbabalak Melquiadito Allego, kinsa nahimong doktor.

Maayo nga magsusuwat si Lariosa ug ang iyang mga sinuwat naglangkob sa 300 ka mga balak ug 150 ka mga sugilanon gikan sa 1964 hangtod karon.

Siya multi-awarded nag magsusuwat diin siya nidaog og major sa prizes.

Sa 2003 iyang gidawat ang Gawad Pambansang Alagad ni Balagtas sa Cebuano poetry ug fiction gikan sa Unyon nga mga Manunulat sa Pilipinas (Umpil). (Lamberto Ceballos)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph