SECTIONS
Thursday, September 19, 2019
SUPERBALITA CEBU

Hugaw sa iring gituyog butang?

Editorial Cartoon by Josua Cabrera

DAKO ang pagtuo sa mga staff ni Kongresista Paz Radaza sa lone district sa Dakbayan sa Lapu-Lapu nga gituyo pagbutang ang nagpasad nga hugaw sa iring ilawom sa ilang lamesa sa Martes sa buntag, Agusto 20.

Ang mga staff ni Radaza nagbutang og lamesa ug lingkoranan sa ikaduhang andana sa city hall sukad sa miaging semana human gitaptapan na ni Lapu-Lapu City Mayor Junard “Ahong” Chan ang opisina sa kongresista.

Gawas mga hugaw sa iring ilawom sa ilang lamesa, giingong gipahiran usab og hugaw sa iring ang ilang mantil sa lamesa nga giingong ilang gipilo ug gibutang ilawom sa lamesa matag biya nila sa city hall matag hapon.

Matod sa mga staff ni Radaza nga nakurat sila nga adunay mga hugaw sa iring sa espasyo diin sila kasamtangang nag-okupar sa ilang pag duty.

Alang kanila imposible kon iring nga nasaag lang sa ilang espasyo ang hinungdan sa hugaw nga nagpasad ilawom sa ilang lamesa sanglit nagkatag kini.

Naapil sa nahugawan mao ang ilang gipilo nga mantil nga gisulod unta og plastik.

Dihang nisuway sila og panghuwam ug mop sa city hall giingong gibalibaran sila hinungdan nga ilang gilimpyohan gamit ang wet tissue aron sila makapadayon sa ilang trabaho.

Ang mantil ila na lang usab gigunting aron duna pa silay matabon sa ilang lamesa.

“Klaro kaayong tinuyo, ambot lang kaha kinsay nagbuhat ani pero klaro na kinsa” matod sa usa sa mga staff sa kongresista nga dili lang magpahingalan.

Nahimuot

Dihang gipangayoan ug reaksyon si Lapu-Lapu City Mayor Junard “Ahong” Chan kalabot sa pagtuo sa mga staff ni Radaza, igo ra kining nikatawa sa pasangil. Nagkatawa ang mayor nganong siya ang gipasanginlan sa mga staff ni Radaza nga wa man niya mandoi ang iring sa pagpabuhagay sa hugaw diha sa ilang lamesa.

“Ang iring di na na to madiktahan og adto na didto malibang noh.So, wa gyud nay buot ang iring. Ambot og kinsa nagsugo sa iring nga adto siya dapita didto malibang,” matod ni Chan nga nagkatawa sa pasangil dihang nahinabi sa mga tigbalita.

Sa laing bahin gipahibawo ni Chan nga sa higayon nga moabot na ang bag-ong mga Identification (id) card sa mga empleyado sa city hall sa mosunod duha ka semana, hayan di na mahimong maka opisina sa city hall ang way ID, lakip na niini ang mga staff ni Radaza. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph