GIBUTANGAN na og mga closed-circuit television (CCTV) camera ang sulod sa merkado sa Cogon kini aron makatabang sa pagsulbad sa mga krimen nga gakahitabo sa maong dapit.
Anaa sa mga dos milyones ang gigahin nga pundo alang sa mga CCTV camera diin anaa sa palibot sa Cogon market ug anaa sa 48 kabuok.
Gibutyag ni Ian Mark Nacaya, overseer sa City Economic Enterprise Department (Ceed), nga dako kining tabang.
"Tabang kaayo, kay imagine kung wala kay personnel who will supervise, oversee sa sa safety sa atong tawo. Naa tay CCTV nga mahimong evidence nga naay nahitabo," matud ni Nacaya.
Gidugang pa nga sa merkado sa Cogon duna nay 48 ka CCTV ug tanang merkado ang butangan.
"Forty-eight ka CCTV in Cogon market. Tanan angle inside the periphery of Cogon market naa nay CCTV ug i-switching karong August 23," matud ni Nacaya.
Gikabutyag usab niini nga tanang mga merkado ang planong pagabutangan og mga CCTV sama sa Puerto, Bulua ug sa Carmen.