DEAR Noy Kulas,

Maayong adlaw kanimo, Noy Kulas. Tawga lang ko sa ngalan nga Sakura. Hinaot naa ka sa maayong lawas kanunay aron daghan ka pa og matambagan sa imong kolum. Usa ako ka avid reader sa imong lindog. Nabatasan na nako ang pagbasa og Sun.Star Superbalita everyday diri sa ward sa usa ka ospital. Wala man koy ikapalit, manghuwam ra tawn ko.

Noy, please tambagi intawon ko kon unsa ang akong angay nga buhaton bahin sa akong problema. Usa ako ka single mom, 30 years old. ug may anak nga 9 years na. Ang akong problema bahin sa akong health. Matag buwan mas daghan pa ang akong mga adlaw sa pag-stay diri sa ospital kay sa among balay. Oo, Noy, naa koy sakit sa kasingkasing ug operasyon ra ang solusyon aron ako mabuhi pa og taastaas.

"The Manny Pacquiao Blog". Click here for stories and updates on the Filipino boxing champ.

Ang akong sakit mao kini, RHD, MS severe, TS severe, CD acute, AF W/ RVR.

Ang akong relatives nasayod man unta apan wa sad silay ikatabang nako. Bisan moral support na lang wala gyud kay ako, Noy, nagdako nga way ginikanan. Apohan ra maoy nagalam nako sukad ako nahimugso, apan tua siya karon sa Bacolod City.

Gawas-sulod ako diri sa ospital sa may dalan Gorordo dapit. Usa ako ka charity patient ug nia sa ward. Bisan tambal halos di na ko makapalit. Wala man koy trabaho na.

Unta maoperahan na ko, aron makapadayon ko sa pag-atiman sa akong anak. Noy, palihog tambagi intawn ko kon asa ko modangop, unya kinsay pangayoan og tabang. Wa intawn koy kaila ug di sad ko makalakaw og layo kay maghangos na man ko.

Gusto pa kong magpakabuhi alang sa akong anak. Ang akong mga maintenance nga tambal wa intawn koy ikapalit. ug nagkinahanglan ko og oxygen ug wheelchair. Asa man tawn ko ani mangayo, Noy?

Hinaot pa unta nga makakuha ko og tambag ug tabang diha nimo, Noy. Daghang salamat and God bless.

SAKURA

Sakura,

Maayong adlaw nimo. Sagad ra ba gyud sa mangayo nakog tabang ako mang susihon ug timbangon kon nanginahanglan ba. Ning imong kaso, tinud-anay gyud tungod sa mga information nga imong gihatag nga wa nako giapil dinhi.

Manghinaot lang ta, labina sa akong readers sa gawas, nga bisan ginagmay lang, makapada sila nato kay ato man nga I-acknowledge bisan lang una alang sa imong mga tambal. Maghuwat lang ta sa mga e-mail, kana kon dunay malumo gyud nga kasingkasing. Kay nakasabot kaayo ko sa imong sitwasyon karon. You badly need utmost help. Mag-unsa na lang ang imong anak kon simbako mahanaw ka.

Ang PCSO nagtabang sa mga masakiton nga sama nimo. Ipakita lang ang imong mga medical document kabahin sa imong sakit, tambal ug rekomendasyon sa doctor. Kay indigent ka man, dunay dakong possibility nga ma-shoulder ang imong operasyon.

Naa ka man sa north district, duola ang buhatan ni Kong. Raul del Mar aron makapangayo kag endorsement gikan sa iyang buhatan aron mas bug-at ni. Naa sab ang mga madre sa brgy. San Jose, Cebu city nga posibleng makatabang nimo sa pipila ka mga tambal.

Maayo unta kon dunay bisan usa lang ka kabanay nimo ang molakaw in your behalf kay lisod sab kon akoy maglakaw kay daghan sab kog buhat sa balay ug sa opisina. Will get in touch. Daghang salamat.

NOY KULAS