Special child patay sa sunog

Special child patay sa sunog

PATAY ang usa ka special child nga batang babaye human niulbo ang sunog Martes sa hapon, Agosto 20, sa Sityo Western Kolambog, Barangay Lapasan, Cagayan de Oro.

Sunog na ang lawas ni Thalia Racero alyas Kakai, 16, dihang nakita sa mga bombero duol sa usa ka paril nga bahin likod sa ilang balay.

Sa inisyal nga imbestigasyon sa Bureau of Fire Protection (BFP) ubos ni Fire Inspector Sam Laurence Velarde, chief of operation sa city fire district, nga ang kalayo nagsugod sa balay ni Raffy Racero nga nilamoy sa mga 11 ka balay nga gibanabanang moabot ngadto sa P350,000 ang danyos.

Si Kapitan Julito Ogsimer sa Barangay Lapasan nagpahimangno sa iyang nga ka-barangay sa pag-amping ug dili magpasagad ug dili mokompyansa.

Butyag ni Kapitan nga dili mosalig sa bisan unsa nga mahimong hinungdan sa kalayo.

Kahinumduman mga ikaduha kini nga sunog nga nahitabo sa barangay karon nga semama diin niadtong adlawng Sabado niulbo usab ang sunog sa sityo San Isidro Labrador nga ubay-ubay usab ka mga balay ang nasunog.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph