SECTIONS
Friday, September 20, 2019
SUPERBALITA CAGAYAN DE ORO

Kaso sa dengue sa Misamis Oriental alarming na

GIREKOMENDAR sa Sangguniang Panlalawigan pinaagi sa resolusyon nga giduso ni Board Member Nancy Madjos nga unta ideklarar na ni Misamis Oriental Governor Bambi Emano nga anaa na sa state of calamity ang lalawigan gumikan sa epidemic nga hatod sa sakit nga dengue sa lalawigan sa Misamis Oriental.

Sa resolusyon nga gihuptan ni Madjos ug gipaabot sa hawanan sa sesyon niadtong Lunes, Agosto 19, gipaabot niining labihan ang pagsaka sa ihap sa kaso sa dengue sa lalawigan nga naka paalarma.

Basi sa record sa Department of Health ug report ni Misamis Oriental Provincial Health Officer, Dr. Jerie Calingasan, aduna nay 15 ang namatay sa dengue sa lalawigan gikan sa 2,480 ka kaso sa nataptan niini gikan sa bulan sa Enero ngadto Agusto ning tuig.

Kon itandi tuig 2018, gikan sa bulan sa Enero ngadto Disyembre moabot ang kaso sa 2,464 nagpamatoud nga mas daghang kaso karon ug makapaalarma na karong tuiga.

Niini nakigduyog si Misamis Oriental Governor Bambi Emano sa panawagan sa Department of Health (DOH) nga pakigbatokan ang pagkaylap sa sakit nga dengue ug batasanon sa katawhan ang 4 o'clock habit nga paglimpyo sa palibot.

Gibutyag sab ni Emano sa SunStar SuperBalita nga posibleng modeklarar siya og state of calamity.

Niaging semana, nagduso sab og resolusyon ngadto sa Sangguniang Panlalawigan sila ni Board Members Nancy Madjos, Dexter Yasay, ug Gerardo “Boboy” Sabal III kon asa naghangyo sa tanang residente sa Misamis Oriental nga maggahin og panahon alang sa maong kalihukan, kung diin ang tanan, hilabina ang kabataan maka-benepisyo sa luwas nga lalawigan batok sa nasangpit nga makamatay nga sakit.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph