SUPERBALITA CEBU

Ordinansahon gi-veto sa mayor sa Lapu-Lapu

GI-VETO ni Lapu-Lapu City Mayor Junard Chan ang proposed ordinance nga gipalabang sa konseho nga nagkinahanglan una og approval sa Sangguniang Panglungsod kadtong buot molukat og business o development permit sa city hall.

Si konsehal Rico Amores maoy nangamahan sa “An Ordinance Requiring the Resolution of No Objection of the Sangguniang Panlunsod for Any And All Forms of Use of any Portion of the Municipal Waters within the Territorial Jurisdiction of the City of Lapu-Lapu”.

Ang maong ordinansa gipalabang niadtong Hulyo 25 apan wa kini pirmahi ni Chan.

Nipasabot si Amores nga ang katuyoan sa maong ordinansa aron nga ma-regulate ang mga establisemento ilabi na niadtong duol sa baybayon nga dili magpataka og labay sa ilang hugaw ngadto sa dagat.

“Sa (committee) environment man ko, duna man gud toy dakong hotel nga magabii maoy i-abli sa ilang tubo (sewerage) nya adto sa dagat ilabay (hugaw),” pasabot ni Amores.

Gisanglitanan sa konsehal kadtong hospital wastes nga nadagsa sa dakbayan nga gikan sa silangang local government unit (LGUs).

Apan natala sa Article II sa maong proposal nga magkinahanglan og resolution of No Objection gikan sa konseho nga gamiton kon mo-apply og foreshore lease, fishpond lease, miscellaneous sales, reclamation, port/wharf development ug jetty (gagmayng pantalan).

“For business entities, no business permit or mayor’s permit shall be issued without such valid Resolution of No Objection from the Sangguniang Panlungsod and for private use, no development permit can be issued without the corresponding resolution,” natala sa Section 3, Article II sa maong proposed ordinance.

Gihulagway ni Chan nga sa maong paagi gilisud-lisod ang investors kay nagdugang lang kini sa requirement nga i-comply sa kliyente atol sa iyang transaksiyon sa city hall nga kalapasan sa “Anti-Red Tape Law of 2007.”

Ang proposal wa sab mosanong sa polisiya ni Presidente Rodrigo Duterte nga kahatagan og kasayon ang kadtong adunay transaksiyon sa government offices o agencies.

“It would appear that the power to suspend or revoke the existence of the business permit lies within the office of the City mayor and that to enact an ordinance that would declare ipso facto the invalidation of a business permit is actually infringing with the power of the City mayor,” dugang ni Chan.

Dugang pa niya nga wa na kinahanglana ang approval sa konseho gumikan kay aduna nay hingtungdan ahensiya nga moatiman niini sama nalang sa application sa foreshore lease naa ang Department of Environment and Natural Resources (DENR)ug Department of Agriculture-Bureau of Fisheries and Aquatic Resources (BFAR) sa niadtong molukat og fishpond lease ug uban pa. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph