SUPERBALITA DAVAO

Mga atleta gidayeg ug gidasig

SI BISE Mayor Sebastian “Baste” Duterte midayeg sa mga atleta nga mihatag dungog sa siyudad sa regional, national ug international competitions atol sa 34th Kadayawan Sports Festival Athletes’ Recognition 2019, Agosto 19 sa Davao Convention and Trade Center.

Sa iyang mensahe, ang opisyal namahayag, “I just want to tell you that each time you go out of Davao City and you represent our city, we are proud of you. The local government is proud of you.”

Gidasig pa niya ang mga nahisgutan nga mahimong usa ka maayong ehemplo sa ubang kabataan, likay sa bisyo, partikular sa drugas.

“Focus on something that can be productive for you like sports. You are setting a good example. I congratulate you for that. Maayo na inyong ginabuhat (What you’re doing is good),” dugang niya.

Si Duterte, nga nagsilbing acting mayor tungod naka-leave ang igsuong si Sara Duterte-Carpio, mihatag kasiguruhan nga ang siyudad padayong naghimo sa tanan nga pagsuporta sa pagkab-ot sa ilang tumong.

Suma ni Cindy Cruz sa Sports Development Division sa City Mayor’s Office (SDD-CMO), ang siyudad mialokar og P4.135 million cash incentives sa Batang Pinoy Mindanao Leg 2019, 10th BIMP-Eaga Friendship Games (Brunei Darrusalam) ug Arafura Games 2019 (Darwin City, Northern Territory) medalists.

Ang gold, silver ug bronze medalists sa international meets modawat og P30,000, P20,000 ug P10,000. Samtang ang Batang Pinoy Mindanao gold, silver, ug bronze winners mobitbit og P10,000, P8,000 ug P5,000.

“Whichever is higher, if the athlete won three golds and two silvers, he or she would get the cash incentive intended for one gold and the coach will also receive the same amount,” ni Cruz sa SunStar Davao.

Si Swimming sensation Lora Micah Amoguis, gold medalist sa BIMP Eaga Games, Arafura Games ug Batang Pinoy, midawat og P70,000. Samtang ang manghud niyang si Liaa Margarette, Batang Pinoy champion ug BIMP Eaga Games silver medalist, midawat og P30,000.

Siya sab midawat og P12,000 gold incentive sa Palarong Pambansa.

Si Bimp-Eaga Games ug Arafura Games jumping gold medalist Mark Anthony Caseñas, nagsulti, “Dako kaayo og tabang kanang naa sila’y mahatag kahalipay after sa hago namo. Worth it among training dili lang sa incentives pati sa tapok-tapok murag mas dako impact og dasig gihatag sa amoa.”

Samtang ang Department of Education mihatag og P1.3 million sa Davao City’s Palarong Pambansa medalists, diin mihatag og P12,000 sa gold, P10,000 sa silver ug P8,000 sa bronze.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph