NAPILI si Konsehal Raymond Alvin Garcia isip presidente sa Philippine Councilors League of the Philippines-Cebu City chapter atol sa eleksyon niadtong Martes, Agusto 20.
Si Garcia kinsa anaa na sa iyang ikaduhang termino isip kosnehal sa north district nihangop ug nagpasalamat sa iyang mga kauban gumikan sa ilang pagsalig nga siya mangulo sa Cebu City.
Ang batan-ong konsehal niingon mga numero uno niyang tinguha mao ang kaayohan para sa mga elected councilors nga ilang madawat ang mga benepisyo nga para kanila.
“Under my administration, I will impose unity for our common goal which is improving the league and going for the welfare of all councilors under PCL,” pasabot ni Garcia.
Gawas niini, paningkamotan ni Garcia nga mahatagan og medical ug accident insurance ang 17 ka mga konsehal nga iyang sakop sama sa iyang gihimo kaniadto dihang siya pa ang presidente sa Barangay Councilors League of the Philippines-Cebu Citu chapter.
Ikaabag ni Garcia isip vice president sa PCL-Cebu City Chapter mao si Cebu City south district number one Councilor Dondon Hontiveros.
Ang ilang termino molanat hangtod tuig 2022. (PAC)