NAGPA-BLOTTER sa San Pedro Police Station ang usa ka bayot human giingnan sa iyang silingan nga i-anal sex siya kung nakaligo ug nakapanglimpyo na.
Alas 2 sa hapon niadtong Martes, Agosto 20, nagpatala sa buhatan sa kapulisan sa San Pedro Philippine National Police (PNP) ang usa ka Dante (bansagon gitago), 42-anyos, hairstylist ug residente sa Datu Bago, Barangay 5-A Poblacion, Bankerohan, Davao City.
Gisaysay sa reklamante nga samtang naglakaw siya sa Datu Bago, giingnan siya sa iyang silingan nga si alyas Marlou nga kung naligo na siya ug nakapanglimpyo na, iyaha kuno kining i-anal sex.
Hilabihan ang kadismaya ni Dante gumikan suma niya, bisan pa og bayot siya, wala siya niini nga mga butang, diin bugtong anaa sa iyaha mao ang panginabuhi, sama sa pagpang-make up ug ang pag-arrange sa buhok labi na og naay mga okasyon.
Tungod niini, mireklamo si Dante sa kapulisan, apan human sa pagpa-blotter, gimandoan siya sa San Pedro PNP modangop sab sa Barangay 5-A aron didto sila mahusay.